Рынгель

Рынгел (Рынгал, Рынгала, Рынгайла), Рынкель — мужчынскае імя і вытворнае ад яго прозьвішча.

Ringel
Паходжаньне
Мова(-ы)	германскія
Утворанае ад	Ringo + суфікс з элемэнтам -л- (-l-)
Іншыя формы
Варыянт(ы)	Рынкель, Рынгал, Рынгала, Рынгайла
Зьвязаныя артыкулы
якія пачынаюцца з «Рынґель»

Паходжаньне

Асноўны артыкул: Імёны ліцьвінаў

Рынгіла, пазьней Рынгель або Рынкель (Ringilo, Ringel, Rinkel^[1]) — імя германскага паходжаньня^[2]. Іменная аснова рынг- (рынк-) (імёны ліцьвінаў Рынкун, Рынгольд; германскія імёны Ringun, Ringold) паходзіць ад германскага hring 'кольца'^[3].

У ваколіцах Мэмэлю адзначалася прозьвішча Ringel^[4].

Варыянты імя ў гістарычных крыніцах: et fratrem suum, dictum Ringelum (Хроніка Прускай зямлі)^[5]; бояринъ присуду Новодворского Якубъ Ринкъгелевичъ (2 траўня 1540 году)^[6]; боярину нашому Юхну Рынкгелю… тотъ Юхно Рынкгель змер (7 красавіка 1552 году)^[7]; Bolko Ryngiel (1558 год)^[8]; Флерыянъ Рынкгель (1567 год)^[9]; двухъ бояровъ путныхъ — Михала а Винцка Рынкгелевъ… у Михала и Винцка Ринкгелевь (9 сакавіка 1597 году)^[10]; Ryngał (1679 год)^[11]; Ryngiele (1744 год)^[12]; Bartłomiej Ryngayło (1769 год)^[13]; Benedykt Ryngala (1772 год)^[14]; Thecla Rynkiel (1793 год)^[15]; Krystyna Ryngiełło (1811 год)^[16]; Kazimierz Ryngało (1826 год)^[17]; Jan Ryngeł (1844 год)^[18].

Носьбіты

• Якуб Рынгелевіч — баярын Гарадзенскага павету, які ўпамінаецца ў 1540 годзе
• Юхна Рынгель — літоўскі баярын, які ўпамінаецца ў 1552 годзе
• Флярыян Рынгель — баярын Троцкага павету, які ўпамінаецца ў попісе войска Вялікага Княства Літоўскага 1567 году
• Міхал і Вінцка Рынгелі — літоўскія баяры, якія ўпамінаюцца ў 1597 годзе

Рынгелі — прыгонныя зь вёскі Барова (Ашмянскі павет), якія ўпамінаюцца ў XIX стагодзьдзі^[19].

Рынгель (Ryngiel) — прозьвішча, зафіксаванае ў XIX стагодзьдзі ў ваколіцах Сувалкаў^[20].

У гістарычнай Прусіі існуе вёска Рынгельс.