Рынк

Рынк, Рынка, Рынг — мужчынскае імя і вытворнае ад яго прозьвішча.

Rinco
Паходжаньне
Мова(-ы)	германскія
Іншыя формы
Варыянт(ы)	Рынка, Рынг
Зьвязаныя імёны	Рынгель, Рынкун, Рынгольд
Зьвязаныя артыкулы
якія пачынаюцца з «Рынк»

Паходжаньне

Асноўны артыкул: Імёны ліцьвінаў

Рынка або Рынга, пазьней Рынк (Rinco, Ringo^[1], Ringk, Rink^[2]) — імя германскага паходжаньня^[3]. Іменная аснова -рынг- (-рынк-) паходзіць ад германскага hring 'кольца'^[4][a]. Сярод ліцьвінаў бытавалі імёны Рынгель, Рынкун, Рынгольд (Рынгвальд). Адзначаліся германскія імёны Ringel, Ringun, Ringold (Ringwald).

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Ringo і Rynko^[6].

Варыянты імя ў гістарычных крыніцах: Богданъ Рынъковичъ (1528 год)^[7]; Иван Ринков маеть именье отчызное (1552 год)^[8]; мещанинъ места Виленского немецъ Ганусь Рынкъ (22 сьнежня 1597 году)^[9]; Janko Rynkowicz… Maciey Rynkowicz (1561 год)^[10]; Rynko Jankowicz (1561—1566 гады)^[11]; Jacub Rinko (1563 год)^[12]; Рынко Вештортович (9 ліпеня 1572 году)^[13]; Piotr Rynkiewicz (1641 год)^[14]; domek spustoszały Stefana Rynkiewicza… domek Jakuba Rynkiewicza (1690 год)^[15]; Marcus Rynkiewicz (1697 год)^[16]; u Rynkiewicza (6 студзеня 1700 году)^[17]; pater Benedictus Rynkiewicz (1706 году)^[18]; Apolonia Ringówna (1762 год)^[19]; Benedykt Rynkiewicz (7 лістапада 1765 году)^[20]; Gabrye. Rynko (19 красавіка 1782 году)^[21]; Adam Rynkiewicz (1765 год)^[22]; Josephus Rynkiewicz (7 верасьня 1782 году)^[23]; Antonina Teofila Ryngiewicz (1821 год)^[24].

Носьбіты

• Багдан Рынкавіч — ашмянскі баярын, які ўпамінаецца ў попісе войска Вялікага Княства Літоўскага 1567 году
• Ганус Рынк — віленскі мешчанін-немец, які ўпамінаецца ў 1597 годзе
• Тадэвуш Рынкевіч — шляхціч Наваградзкага ваяводзтва, які ўпамінаецца ў 1777 годзе^[25]

Рынкевічы (Rynkiewicz) — прыгонныя зь вёсак Дубіны, Чабаяў, Цябутаў (Ашмянскі павет), Чыжоўшчыны, Гудзеляў, Даўкшаў (Віленскі павет), ваколіцаў Сьвянцянаў і Жыжмараў, вёскі Чарнабылю (Троцкі павет), а таксама вольныя людзі зь вёсак Пашкайцяў і Грыгайцяў (Віленскі павет), якія ўпамінаюцца ў XIX стагодзьдзі^[26][27].

Рынковічы (Rynkowicz) — прыгонныя зь вёсак Парокеі і Дравянікаў (Віленскі павет), якія ўпамінаюцца ў XIX стагодзьдзі^[28].

Рынкевічы (Rynkiewicz) — літоўскія шляхецкія роды з ваколіцаў Сьвянцянаў^[29] і Троцкага павету^[30].

Рынгевіч (Ryngiewicz), Рынкевіч (Rynkiewicz) і Рынковіч (Rynkowicz) — прозьвішча, зафіксаванае ў XIX стагодзьдзі ў ваколіцах Сувалкаў^[31].

Рынга (Ringo) — прозьвішча, гістарычна зафіксанае на тэрыторыі цяперашняй Летувы^[32].

У XVI ст. існаваў «грунт» Рынгі (Ринги) у Жамойцкім старостве^[33].

На гістарычнай Берасьцейшчыне існуе вёска Рынкі, на гістарычнай Віленшчыне — Рынкаўшчына, на гістарычнай Аршаншчыне — Рынкоўка, на гістарычнай Ашмяншчыне — Рынкяны. Назву Рынкаўцы маюць вёскі на гістарычных Гарадзеншчыне і Лідчыне.

Заўвагі

1. У рэчышчы палітыкі летувізацыі іменную аснову рынк- звычайна тлумачыць ад летувіскага rinkti 'зьбіраць'^[5]