Сангушка

Сангушка, Сангаў — мужчынскае імя і вытворнае ад яго прозьвішча.

Паходжаньне
Мова(-ы)	германскія
Утворанае ад	Sano + Gawo
Іншыя формы
Варыянт(ы)	Сангаў
Зьвязаныя артыкулы
якія пачынаюцца з «Санґушка»

Паходжаньне

Асноўны артыкул: Імёны ліцьвінаў

Сана (Sanno) і Гава (Gawo) — імёны германскага паходжаньня^[1]. Іменная аснова сан- (сен-) (імя ліцьвінаў Санель; германскае імя Sanilo), магчыма, паходзіць ад гоцкага *swans 'лебедзь'^[2], а аснова -гаў- (імёны ліцьвінаў Гавіла, Гаўвід, Гаўгонт; германскія імёны Gavilo, Gauwida, Gavigunt) — ад гоцкага gawi^[3], германскага gaawja 'мясцовасьць, багатая воднымі крыніцамі; месца пасяленьня'^[4].

Паводле менскага дасьледніка Алёхны Дайліды, які разьвівае ўсходнегерманскую этымалёгію імёнаў літоўскіх князёў і баяраў, імя Сангаў паходзіць ад германскага sangwa, гоцкага saggws 'сьпеў' (упаміналіся старажытныя германскія імёны Sanchard, Sancho, Sancke)^[5][a].

У Прусіі бытавала імя Sangawe / Sangaw (1355 і 1385 гады)^[7].

Варыянты імя ў гістарычных крыніцах: cum Georgio Sangaw^[8], Georgius Sangaw^[9], Georgium Sangaw^[10] (2 кастрычніка 1413 году); Олехну Сонъкговичу пять чоловековъ (1440—1492 гады)^[11]; на Матейка Сонкговича (28 красавіка 1514 году)^[12]; бояром вилкомирскимь Григорку а Лаврину Сонкговичемъ (30 лістапада 1516 году)^[13]; pana Sangowicza (10 лютага 1633 году)^[14]; karczmą nową zbudowaną na goscincu Kowienskim Piotra Sangowicza (18 ліпеня 1727 году)^[15].

Носьбіты

• Юры Сангаў († па 1413) — літоўскі баярын, які на Гарадзельскай уніі атрымаў герб Павала
• Станіслаў Тамашавіч Сонгаў — расенскі зямянін, які ўпамінаецца ў 1592 годзе^[16]

Санговічы (Sangowicz) гербу Агеньчык — літоўскі шляхецкі род зь Вільні і Віленскага павету^[17].

Сангушкі — літоўскі княскі род гербу Пагоня Літоўская.

Заўвагі

1. Сярод іншага, адзначалася бытаваньне шляхецкага прозьвішча Гедушка (Gieduszko)^[6], вытворнага ад імя Геда