Санці Касорля

Сант’я́га «Са́нці» Касо́рля Ганса́лес (па-гішпанску: Santiago «Santi» Cazorla González; нар. 13 сьнежня 1984 году, Льянэра, Гішпанія) — гішпанскі футбаліст, паўабаронца клюбу «Рэал Авіеда» і былы гулец нацыянальнай зборнай Гішпаніі.

Санці Касорля
Пэрсанальная інфармацыя
Нарадзіўся	13 сьнежня 1984(1984-12-13)[1][2][3][…] (40 гадоў) Q113674844?, Люга[d], Льянэра, Астурыя[d], Астурыя, Гішпанія[4]
Рост	165 см
Вага	66 кг
Пазыцыя	флянгавы паўабаронца
Клюбная інфармацыя
Клюб	Рэал Авіеда
Нумар	8
Клюбы
Гады	Клюб	Гульні (галы)¹
2003—2004	Вільярэал Б[d]	40 (4)
2003—2006	Вільярэал	54 (2)
2006—2007	Рэкрэатыва Ўэльва	34 (7)
2007—2011	Вільярэал	127 (23)
2011—2012	Маляга	38 (9)
2012—2018	Арсэнал Лёндан	129 (25)
2018—2020	Вільярэал	70 (15)
2020—2023	Аль-Сад[d]	55 (23)
2023—4	Рэал Авіеда	56 (3)
Зборныя
2004—2006	Гішпанія (да 21)[d]	7 (0)
2008—2019	Гішпанія	81 (15)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 1 чэрвеня 2025.

Кар’ера

«Вільярэал»

Санці пачынаў гуляць у футбол у акадэміі астурыйскага клюбу «Авіеда». Ва ўзросьце 17 гадоў ён апынуўся ў «Вільярэале», дзе гуляў спачатку ў дублі. 30 лістапада 2003 году Касорля дэбютаваў і ў асноўнай камандзе, згуляўшы адну хвіліну ў матчы супраць «Дэпартыва» (1:0).

У сэзоне 2004—2005 гадоў Касорля быў ужо гульцом асновы, у 2005 годзе ён таксама дэбютаваў у Лізе чэмпіёнаў, дзе «Вільярэал» дайшоў да паўфіналу. 7 ліпеня 2006 году Касорля перайшоў у «Рэкрэатыва» за 600 тысяч эўра, падпісаўшы чатырохгадовы кантракт. «Вільярэал» захаваў магчымасьць выкупіць гульца за 1,2 млн эўра. 27 жніўня Санці дэбютаваў у матчы супраць «Мальёркі» (1:1). Паўабаронца правёў у «Рэкрэатыва» моцны сэзон, пасьля заканчэньня якога атрымаў тытул футбаліста году ў Гішпаніі паводле вэрсіі часопіса «Don Balon».

Добра зарэкамендавалы сябе Касорля зноўку стаў патрэбен «Вільярэалу», і той скарыстаўся пунктам у кантракце аб магчымым вяртаньні. У першым пасьля вяртаньня сэзоне Санці зноўку паказаў добрую гульню й стаў важнай часткай выніковага посьпеху каманды (2-е месца ў Ля Лізе). Паўабаронца забіў 5 мячоў і мноства разоў асыставаў нападнікам «Вільярэалу» Джузэпэ Росі й Кахвэджы Ніхату.

«Маляга»

26 ліпеня 2011 году за 19 млн эўра перайшоў у іншы гішпанскі клюб «Малягу».

«Арсэнал»

7 жніўня 2012 году ангельскі «Арсэнал» паведаміў аб падпісаньні Касорлі^[5]. Ягоны пераход стаў трэцім значным трансфэрам для «Арсэналу» у тым сэзоне пасьля Лукаса Падольскага й Аліўе Жыру. Дэбют у ноым клюбе быў вельмі ўдалым, то бок у першым матчы супраць «Сандэрлэнду» Санці быў абраны гульцом сустрэчы. У верасьні Касорля забіў адзін з галоў ў браму «Лівэрпулу» ў гасьцявым матчы на Энфілдзе (0:2).

Міжнародная кар’ера

31 траўня 2008 году Санці дэбютаваў у нацыянальнай зборнай Гішпаніі ў таварыскім матчы супраць зборнай Пэру, які скончыўся зь лікам 2:1 на карысьць гішпанскіх футбалістаў^[6].

Дасягненьні

«Арсэнал»:

• Уладальнік Кубка Ангельшчыны: 2014, 2015
• Уладальнік Супэркубка Ангельшчыны: 2014, 2015

«Аль-Сад»:

• Чэмпіён Катару: 2021, 2022
• Уладальнік Кубка Катару: 2021
• Уладальнік Кубка эміра Катару 2020, 2021
• Уладальнік Супэркубка Катару: 2021

Гішпанія

• Чэмпіён Эўропы: 2008, 2012