Прапойскі раён

Прапойскі раён (з 1945 году — Сла́ўгарадзкі раён) — адміністрацыйна-тэрытарыяльная адзінка ў складзе Магілёўскай вобласьці Беларусі. Прапойскі раён мяжуе з Быхаўскім, Чавускім, Чэрыкаўскім, Краснаполькім раёнамі Магілёўскай вобласьці і Кармянскім і Рагачоўскім раёнамі Гомельскай вобласьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Слаўгарадзкі раён.

Прапойскі раён
(Слаўгарадзкі раён)
Герб
Агульныя зьвесткі
Краіна	Беларусь
Статус	раён Беларусі
Уваходзіць у	Магілёўская вобласьць
Адміністрацыйны цэнтар	Прапойск
Дата ўтварэньня	17 ліпеня 1924
Кіраўнік	Андрэй Віктаравіч Кажамякін[d]
Насельніцтва (2018)	12 781[1]
Шчыльнасьць	9,7 чал./км²
Плошча	1320,02[2] км²
Вышыня па-над узр. м.  · сярэдняя вышыня	156 м[3]
Месцазнаходжаньне Прапойскага раёну
Мэдыя-зьвесткі
Тэлефонны код	+375 2246
Афіцыйны сайт
Дадатковыя мультымэдыйныя матэрыялы

Адміністрацыйна-тэрытарыяльны падзел

Раён падзяляецца на места Прапойск і 5 сельсаветаў: Васькавіцкі, Гіжэнскі, Кабінагорскі, Лапаціцкі, Сьвенскі. Былыя сельсаветы: Баханскі, Каменскі, Кульшыцкі і Старынкаўскі.

Геаграфія

Знаходзіцца на поўдні Магілёўскай вобласьці.

Асноўныя рэкі — Сож з прытокамі Проня (з Растай, Крупкай, Трасьліўкай і Аўсовінай), Пясчанка, Касалянка з Пацэяй, Ельня, Галуба, Каменка, Якушаўка; Баброўка (прыток Дняпра), Хоцінка (прыток Рэсты). У Кабінагорскім сельсавеце раёну, што на поўдзень ад Прапойску, месьціцца Блакітная крыніца, якая ёсьць найбольшай ва Ўсходняй Эўропе.

Праз раён праходзіць аўтамабільная дарога Бабруйск — Крычаў.

Насельніцтва

• XX стагодзьдзе: 1999 год — 17,5 тыс. чал.
• XXI стагодзьдзе: 2006 год — 15,7 тыс. чал.; 2009 год — 14 888 чал.^[4] (перапіс); 2016 год — 13 238 чал.^[5]; 2017 год — 12 994 чал.^[6]; 2018 год — 12 781 чал.^[1]

Гісторыя

За час Нямецка-савецкай вайны 1941—1945 гадоў насельніцтва Прапойскага раёну скарацілася 39 000 да 25 000 чалавек (-36 %). Сярод 18 000 мужчынаў у жывых засталося 8000. У тым ліку каля 4000 чырвонаармейцаў і савецкіх партызанаў не вярнуліся з вайны. У межах раёну зьнішчылі 51 са 160 вёсак. Большасьцю людзі загінулі ў 1943 годзе пры наступе Чырвонай арміі на Прапойск. У 120 брацкіх магілах пахавалі каля 10 000 вайскоўцаў^[7]. 4 лістапада 2017 году на ўсходзе раёну ўтварылі Прапойскі заказьнік плошчай звыш 147 км², што складала звыш 11 % земляў Прапойскага раёну^[8].

Асобы

• Уладзіслаў Рубанаў (1952, вёска Аляксандраўка 1 — 1994) — беларускі празаік
• Міхась Стральцоў (1937, в. Сычын -  1987) — беларускі празаік, паэт, перакладчык і літаратуразнавец.