Слуцкі цукроварафінадны камбінат

53.0009° пн. ш. 27.5158° у. д. / 53.0009; 27.5158

Слуцкі цукроварафінадны камбінат
Тып	Адкрытае акцыянэрнае таварыства
Заснаваная	21 сьнежня 1965 (59 гадоў таму)
Краіна	Беларусь
Разьмяшчэньне	Слуцак, Менская вобласьць
Ключавыя фігуры	Мікалай Пруднікаў, Юры Гарбатка
Галіна	Харчовая прамысловасьць
Прадукцыя	Цукар-пясок
Абарачэньне	▲1 349 млрд рублёў (2012; $161,2 млн)
Апэрацыйны прыбытак	▲194,9 млрд руб ($23,3 млн)
Чысты прыбытак	▲159,4 млрд руб ($19,1 млн)
Лік супрацоўнікаў	792 (2012)
Матчына кампанія	Белдзяржхарчпрам[1]
Даччыныя кампаніі	Футбольны клюб «Слуцак»
www.sugar.by
Слуцкі цукроварафінадны камбінат у Вікісховішчы

Сіласы камбіната

У такіх пачках цукар трапляе ў крамы.

Слу́цкі цукро́варафіна́дны камбіна́т — наймаладзейшае прадпрыемства цукровай прамысловасьці Беларусі, утворанае ў 1965 годзе ў Слуцку (Менская вобласьць, Беларусь). У 2009 годзе была дасягнутая магутнасьць перапрацоўкі цукровага бурака на ўзроўні 8000 т на содні^[2]. Прадпрыемства мае штогадовую квоту на пастаўку цукру ў Расею памерам 38,5 тыс. тонаў (25,7%) з 150 тыс. т. для краіны. Цукар на 99,8% складаецца з цукрозы, рэшта — глюкоза і фруктоза. Адходы вытворчасьці (патака-мелес і жамерына) ідуць на выраб дрожджаў, сьпірту, лімоннай кісьлі і на корм жывёле.

Сыравіна на камбінат пастаўляецца з 4 вобласьцяў:^[3]

• Берасьцейская вобласьць: СВК «Жарабковічы» (Ляхавіцкі раён);
• Гарадзенская вобласьць: Астравец, Ашмяны;
• Магілёўская вобласьць: Асіпавічы, Бабруйск, Глуск, Качэрычы;
• Менская вобласьць: Барысаў, Капыль, Клецак, Салігорск, Слуцак, Узда.

Мінуўшчына

Прадпрыемства пачало працу 21 сьнежня 1965 году^[4]. Цалкам пушчанае ў 1970 годзе як завод, з 1976-га — камбінат. З 1972 г. першы з заводаў у Беларусі пачаў фасоўку цукру. З 1993 г. пашыраецца ў выніку перааснашчэньня да магутнасьці штодзённай перапрацоўкі 6 тыс. тонаў цукровых буракоў (з 3 тыс. т). З 1996 г. акцыянаваны^[5]. У 2010 г. 62% вырабаў прадалі за мяжу. Прадпрыемства мела звыш 700 супрацоўнікаў^[6].