Смаляніца

Смаляні́ца^[2] — вёска ў Пружанскім раёне Берасьцейскай вобласьці. Уваходзіць у склад Хараўскога сельсавету. Знаходзіцца за 20 км на паўночны ўсход ад Пружанаў, 33 км ад чыгуначнай станцыі Аранчыцы на лініі Баранавічы — Берасьце.

Смаляніца
трансьліт. Smalianica
Царква сьвятога Мікалая
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Хараўскі
Насельніцтва:	313 чал. (2010)
Часавы пас:	UTC+3
Тэлефонны код:	+375 1632
Паштовы індэкс:	225146[1]
СААТА:	1256875086
Нумарны знак:	1
Геаграфічныя каардынаты:	52°42′17″ пн. ш. 24°38′13″ у. д.
Смаляніца на мапе Беларусі ± Смаляніца Смаляніца
Галерэя здымкаў у Вікісховішчы

Мінуўшчына

За расейскім часам — у Носкаўскай воласьці Пружанскага павету Гарадзенскай губэрні^[3]. У 1886 616 мяшканцаў, 50 дымоў, 1807 дзесяцінаў зямлі, царква, школа, піцейны дом^[4]. Паводле перапісу 1897 року 860 жыхароў, 114 двароў, царква, народная вучэльня, хлебазапасная крама.

За польскім часам — у гміне Носкі^[5], а з 1926 року — у гміне Руднікі^[6] Пружанскага павету Палескага ваяводзтва. У вёсцы дзейнічала падпольная ячэйка КПЗБ, у 1924 на шматлюдным мітынгу выступіла з прамовай удзельніца рэвалюцыйнага руху Вера Харужая.

Зь верасьня 1939 року ў складзе БССР, з 15 студзеня 1940 у складзе Пружанскага раёну Берасьцейскай вобласьці.

Насельніцтва

• XX стагодзьдзе: 1959 год — 818 жыхароў (перапіс); 1970 год — 615 жыхароў; 1999 год — 405 жыхароў
• XXI стагодзьдзе: 2003 год — 344 жыхары, 147 гаспадарак; 2005 год — 345 жыхароў, 148 двароў^[7]; 2010 год — 313 жыхароў

Культура

Дзейнічае фальклёрны гурт «Смаляніца»^[8].

Турыстычная інфармацыя

• Царква ў імя сьвяціцеля Мікалая Цудатворцы (1867)^[9]
• Абэліск (1950) на братэрскай магіле савецкіх жаўнераў і партызанаў (1941—1944)

Асобы

• Віктар Босак — беларускі навукоўца-аграхімік, доктар сельскагаспадарчых навук^[10]
• Мікалай Слабадзянюк — тэрапэўт, заслужаны лекар Расейскай Фэдэрацыі^[11]