Стайкі (Вялейскі раён)

Ста́йкі^[1] — вёска ў Вялейскім раёне Менскай вобласьці. Уваходзіць у склад Ільлянскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Стайкі.

Стайкі
трансьліт. Stajki
Краіна:	Беларусь
Вобласьць:	Менская
Раён:	Вялейскі
Сельсавет:	Ільлянскі
Насельніцтва:	187 чал. (2003)
Часавы пас:	UTC+3
Тэлефонны код:	+375 1771
Паштовы індэкс:	222442
Нумарны знак:	5
Геаграфічныя каардынаты:	54°28′16″ пн. ш. 27°25′59″ у. д.
Стайкі на мапе Беларусі ± Стайкі Стайкі
Галерэя здымкаў у Вікісховішчы

Гісторыя

Стайкі (1901—1939 гг.)

У 1706 годзе згадваецца як цэнтар маёнтку ў Менскім ваяводзтве ВКЛ^[2]. Згадваецца ў 1794 годзе як вёска ў фальварку Стайкі, уласнасьць Людвігі Бахдановіч. На 1800 год у маёнтку Старынкі, 14 двароў, 94 жыхары. У 1834 годзе вотчынны маёнтак Вікенція Бахдановіча; 411 сялянскіх душ. На 1865 год у Крайскай воласьці, уласнасьць Севярына Бахдановіча: маёнтак (288 сялянаў, 31 аднадворац), фальварак (1 двор, 26 жыхароў) і вёска (14 двароў, 12 жыхар). У 1886 годзе адкрыта школа граматы. Паводле перапісу 1897 году 46 двароў, 437 жыхароў; хлебазапасны магазін; маёнтак (4 двары), пасёлак (4 двары, 13 жыхароў). У 1902 годзе заснаваны вінакурны завод. На 1908 год цэнтар сельскай грамады ў Крайскай воласьці Вялейскага павету Віленскай губэрні, 27 двароў, 343 жыхары, 354 дзесяцін надзелаў.

На 1938 год у Ільянскай вясковай гміне, уласнасьць Міхаіла Бахдановіча (4 двары, 43 жыхары) і вёска (91 двор, 483 жыхары). У лістападзе 1939 году далучаны да БССР, з 15 студзеня 1940 году ў Ільянскім раёне Вялейскай вобласьці, з 12 кастрычніка 1940 году ў Альковіцкім сельсавеце, створаны калгас імя Чырвонай Арміі.

З чэрвеня 1941 году да 3 ліпеня 1944 году акупаваная нямецка-фашысцкімі захопнікамі.

3 20 вераьня 1944 году ў Ільянскім, з 20 ліпеня 1957 году ў Вялейскім раёнах Маладэчанскай вобласьці. У лістападзе 1945 году створаны калгас імя К. Варашылава, які ў 1947 годзе аб’яднаў 22 гаспадаркі, 2010 га ворыва. На 1960 год у вёсцы 506 жыхароў, на 1988 год — 139 гаспадарак, 296 жыхароў; у складзе саўгасу «Стайкі», пачатковая школа, клюб, бібліятэка, крама^[3].

Сядзіба Багдановічаў у Стайках (2020)

Да 28 траўня 2013 году вёска ўваходзіла ў склад Альковіцкага сельсавету^[4].

Славутасьці

• Сядзібна-паркавы комплекс «Двор Стайкі»^[5]

Насельніцтва

• 2003 год — 187 жыхароў, 104 двары.

Асобы

• Людміла Падлужная (н. 1964) — беларускі пэдагог і дэпутат палаты прадстаўнікоў