Сьвір (возера)

Сьвір — возера ў Беларусі, у басэйне ракі Страчы. Знаходзіцца ў Мядзельскім раёне Менскай вобласьці, за 27 км на паўднёвы захад ад Мядзелу. Належыць да групы Сьвірскіх азёр. Плошча паверхні возера 22,28 км². Даўжыня 14,1 км, найбольшая шырыня 2,27 км. Найбольшая глыбіня возера дасягае 8,7 м, сярэдняя складае 4,7 м. Аб’ём вады 104,3 млн м³. Даўжыня берагавой лініі 31,2 км.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сьвір.

Возера Сьвір лац. Śvir Панарама Сьвір Возера Сьвір Краіна Беларусь Плошча 22,28 км² Плошча вадазбору 364 км² Максымальная глыбіня 8,7 м Найбольшая даўжыня 14,1 км Найбольшая шырыня 2,27 км Даўжыня берагавой лініі 31,2 км Вышыня над узроўнем мора 149,8 Аб’ём вады 104,3 млн м³ Каардынаты 54°48′24.19″ пн. ш. 26°28′28.73″ у. д. Сьвір на мапе Беларусі Сьвір

Галерэя здымкаў у Вікісховішчы

На берагох возера стаяць мястэчка Сьвір і гістарычнае мястэчка Засьвір.

Назвы

Назва возера Сьвіру, гэтак жа як і ракі Сьвіру ў Расеі, тлумачыцца на аснове фінскіх моваў як «глыбокае» (па-фінску syveri — «паглыбленьне», «глыбокае месца ў вадзе», «глыбіня», па-фінску syvä — «глыбокі»).

Апісаньне

Катлавіна лагчыннага тыпу, выцягнутая з паўночнага захаду на паўднёвы ўсход. Заходнія схілы вышынёй 12—15 м, на асобных дзялянках вышыня сягае 25 м, разараныя альбо знаходзяцца пад хмызьняком. Схілы на ўсходзе маюць вышыню 3—5 м і парасьлі лесам. Берагавая лінія ўтварае некалькі слабавыразных затокаў і мысаў. Берагі высокія, але месцамі зьліваюцца з схіламі. На ўсходзе берагі нізкія, забалочаныя. На ўсходзе і поўначы абалона выразная, яе шырыня складае да 200 м, знаходзіцца пад зрэджаным хмызьняком, забалочаная і зрэзаная сеткай мэліярацыйных каналаў. Дно да глыбіні 4 м пясковае, на большых глыбінях высьцілаецца сапрапэлем. У цэнтры і на поўдні мае пясковыя мелі, глыбіня на якіх складае 2 і 3,4 м.

Возера эўтрофнае, праточнае. Упадаюць рэкі Смолка, Вялікі Перакоп, некалькі ручаёў. На поўначы выцякае рака Сьвірыца. Моцна зарастае ўздоўж берагоў.

Выкарыстоўваецца як месца адпачынку, непадалёк працуе санаторыя «Сьвір».

Флёра і фаўна

Шырыня палосы трысьнягу ў вытоку Сьвірыцы і месцы ўтоку Смолкі сягае 200 м.

У возеры водзяцца шчупак, лешч, акунь, карась, сом, лінь, плотка, краснапёрка ды іншыя віды рыбаў^[1].