Турна Малая

Ту́рна Мала́я^[2] — вёска ў Камянецкім раёне Берасьцейскай вобласьці, на левым беразе ракі Градаўка, на паўднёвым усходзе мяжуе з аўтадарогай Берасьце — Каменюкі (Р83), за 17 км на поўдзень ад Камянцу, за 19 км на поўнач ад Берасьця, за 26 км на паўночны захад ад чыгуначнай станцыі Жабінка на лініі Берасьце — Баранавічы. Уваходзіць у Відамлянскі сельсавет.

Турна Малая
трансьліт. Turna Malaja
Першыя згадкі:	19 стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Відамлянскі
Насельніцтва:	26 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225053[1]
Нумарны знак:	1
Геаграфічныя каардынаты:	52°15′0″ пн. ш. 23°47′0″ у. д.
Турна Малая на мапе Беларусі ± Турна Малая Турна Малая

Гісторыя

• канец XIX ст.: маёнтак Турна ў Турнаўскай воласьці Берасьцейскага павету Гарадзенскай губэрні Расейскай імпэрыі, уласнасьць графа Міхаіла Грабоўскага, зямельныя ўгодзьдзі складалі 1500 дзесяцінаў.
• 1897: паводле перапісу 127 жыхароў, вінакурны завод.
• 1905: 139 жыхароў.
• 1921: у складзе Турнаўскай гміны Берасьцейскага павету Палескага ваяводзтва міжваеннай Польшчы.
• 1939: у складзе Берасьцейскай вобласьці БССР.
• 1940: вёска Турна Малая ў Турнаўскім сельсавеце Камянецкага раёну Берасьцейскай вобласьці, 14 двароў, 75 жыхароў.
• 1954: у Відамлянскім сельсавеце.
• 1959: 62 жыхары.
• 1970: 52 жыхары.

Насельніцтва

• 2010 год — 26 жыхароў
• 2005 год — 26 жыхароў, 14 двароў^[3]
• 1999 год — 22 жыхары

Геаграфія

У тым жа сельсавеце за 1,5 км на паўночны ўсход ад вёскі Турна Малая месьціцца вёска Турна Вялікая.

Інфраструктура

У складзе ААТ «Агра-Турна».