Шаркуці

Шаркуці^[1] — вёска ў Суботніцкім сельсавеце Івейскага раёну Гарадзенскай вобласьці.

Шаркуці лац. Šarkuci
Краіна:	Беларусь
Вобласьць:	Гарадзенская
Раён:	Івейскі
Сельсавет:	Суботніцкі
Насельніцтва:	85 чал. (2009)
Часавы пас:	UTC+3
Тэлефонны код:
Паштовы індэкс:	231343
СААТА:	4229843166
Нумарны знак:	4
Геаграфічныя каардынаты:	54°7′16″ пн. ш. 25°45′52″ у. д.
Шаркуці на мапе Беларусі ± Шаркуці Шаркуці

Гісторыя

У 1-й палове XVIII ст. сяло маёнтку Жамыслаўль Ашмянскага павету Віленскага ваяводзтва.

У ХІХ—пачатку XX ст. вёска ў Суботніцкай воласьці Ашмянскага павету Віленскай губэрні. У 1861 г. 46 рэвіскіх душ, у складзе маёнтка Жамыслаўль, уласнасьць Умястоўскіх. Сяляне працавалі на нарыхтоўцы лесу, сплаве па р. Гаўя. У 1897 г. 28 двароў, 173 жыхары, у 1909 г. 34 двары, 212 жыхароў, 189 дзесяцін зямлі.

У 1921—1939 гг. у Суботніцкай гміне Валожынскага, з 1926 г. Лідзкага паветаў Наваградзкага ваяводзтва Польшчы. У 1921 г. 33 двары, 182 жыхары.

3 12.10.1940 г. вёска (49 двароў, 223 жыхары) у Жамыслаўскім сельсавеце Івейскага раёну. У чэрвені 1941 г. на рубяжы р. Гаўя трымаў абарону 168-ы стралковы полк 24-й Самара-Ўльянаўскай Жалезнай дывізіі. У час баёў вёска была спалена разам зь людзьмі, з-за стрэла па немцах нейкага чалавека^[2]. У чэрвені — ліпені 1944 г. зноў згарэла.

Пасьля вайны адбудавана. У верасьні 1950 г. арганізаваны калгас «I Мая». 3 1954 г. у калгасе імя М.І.Кутузава, з 1960 г. у саўгасе «Жамыслаўль». 3 29.4.1960 г. у Суботніцкім сельсавеце. Пасьля ў складзе калгасу «Жамыслаўль».

Насельніцтва

• 2009 год — 85 чалавек^[3]
• 1999 год — 112 чалавек, 49 двароў