Шчарбы (Берасьцейская вобласьць)

Шчарбы́^[2] (таксама — Шчэ́рбы^[3][4]) — вёска ў Пружанскім раёне Берасьцейскай вобласьці. Шчарбы ўваходзяць у склад Шчарчоўскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Шчарбы.

Шчарбы
трансьліт. Ščarby
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Шчарчоўскі
Насельніцтва:	40 чал. (2010)
Часавы пас:	UTC+3
Тэлефонны код:	+375 1632
Паштовы індэкс:	225173[1]
Нумарны знак:	1
Геаграфічныя каардынаты:	52°27′42″ пн. ш. 24°6′30″ у. д.
Шчарбы на мапе Беларусі ± Шчарбы Шчарбы

Геаграфія

Шчарбы знаходзяцца за 36 км на паўднёвы захад ад Пружанаў, 19 км ад чыгуначнай станцыі Тэўлі на лініі Баранавічы — Берасьце. Рэчка Левая Лясная.

Мінуўшчына

За расейскім часам — у Гарадзечанскай воласьці Пружанскага павету Гарадзенскай губэрні^[5]. Паводле перапісу 1897 року 383 жыхары, 46 двароў. На пачатку XX стагодзьдзя 406 жыхароў.

За польскім часам — у гміне Гарадзечна Пружанскага павету Палескага ваяводзтва^[6]. У 1921 року 548 жыхароў, 139 двароў.

Зь верасьня 1939 року ў складзе БССР, з 15 студзеня 1940 у складзе Пружанскага раёну Берасьцейскай вобласьці.

Насельніцтва

• XX стагодзьдзе: 1959 год — 283 жыхары (перапіс); 1970 год — 291 жыхар; 1999 год — 80 жыхароў
• XXI стагодзьдзе: 2003 год — 69 жыхароў, 45 гаспадарак; 2005 год — 58 жыхароў, 40 двароў^[3]; 2010 год — 40 жыхароў

Транспарт

Аўтамабільная дарога Н547 Шчарбы — Аляксандраўка^[7].