Юхавічы

Ю́хавічы^[1] — вёска ў Беларусі, на рацэ Нішчы. Уваходзяць у склад Клясьціцкага сельсавету Расонскага раёну Віцебскай вобласьці. Насельніцтва на 2010 год — 162 чалавекі. Знаходзяцца за 28 км на паўночны захад ад Расонаў, за 35 км ад чыгуначнай станцыі Ідрыца.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Юхавічы (неадназначнасьць).

Юхавічы лац. Juchavičy
Краіна:	Беларусь
Вобласьць:	Віцебская
Раён:	Расонскі
Сельсавет:	Клясьціцкі
Насельніцтва:	162 чал. (2010)
Часавы пас:	UTC+3
Тэлефонны код:	+375 2159
Паштовы індэкс:	211467
СААТА:	2242820098
Нумарны знак:	2
Геаграфічныя каардынаты:	56°0′50″ пн. ш. 28°39′0″ у. д.
Юхавічы на мапе Беларусі ± Юхавічы Юхавічы
Галерэя здымкаў у Вікісховішчы

Юхавічы — даўняе мястэчка гістарычнай Полаччыны.

Гісторыя

Вялікае Княства Літоўскае

Здаўна Юхавічы знаходзіліся ў валоданьні роду Храпавіцкіх і ўваходзілі ў склад Полацкага ваяводзтва.

Пад уладай Расейскай імпэрыі

У выніку другога падзелу Рэчы Паспалітай (1793 год) Юхавічы апынуліся ў складзе Расейскай імпэрыі, у Дрысенскім павеце Віцебскай губэрні. У 2-й палове XIX ст. мястэчка знаходзілася ў валоданьні Кузьняцоў, тут было 42 двары.

За часамі Першай сусьветнай вайны ў лютым 1918 году Юхавічы занялі войскі Нямецкай імпэрыі^[2].

Найноўшы час

25 сакавіка 1918 году згодна з Трэцяй Устаўной граматай Юхавічы абвяшчаліся часткай Беларускай Народнай Рэспублікі. 1 студзеня 1919 году згодна з пастановай І зьезду КП(б) Беларусі яны ўвайшлі ў склад Беларускай ССР, аднак 16 студзеня Масква адабрала мястэчка разам зь іншымі этнічна беларускімі тэрыторыямі ў склад РСФСР. У 1924 годзе Юхавічы вярнулі БССР, дзе яны сталі цэнтрам сельсавету (з 8 красавіка 2004 году ў Клясьціцкім сельсавеце). Статус паселішча панізілі да вёскі.

На 2003 год у Юхавічах было 127 двароў.

Насельніцтва

Дэмаграфія

• XIX стагодзьдзе: 1838 год — 189 чал. (90 муж. і 99 жан.), зь іх шляхты — 2 муж. і 3 жан., духоўнага стану праваслаўнага 3 муж. і 5 жан., мяшчанаў-юдэяў 39 муж. і 38 жан., сялянаў зямянскіх 45 муж. і 52 жан., адстаўных салдатаў 1 муж. і 1 жан.^[3]; 1882 год — 282 чал.^[4]
• XX стагодзьдзе: 1999 год — 297 чал.
• XXI стагодзьдзе: 2003 год — 250 чал.^[5]; 2010 год — 162 чал.

Інфраструктура

У Юхавічах працуюць пачатковая школа, бібліятэка, клюб, пошта.

Эканоміка

У вёсцы знаходзіцца сядзіба Юхавіцкага лясьніцтва.

Турыстычная інфармацыя

Славутасьці

За 1 км на поўнач ад Юхавічаў захаваўся курганны могільнік.