Ярна

Ярна, Арн (Арнь), Аран (Яран, Ярань) — мужчынскае імя.

Arno
Паходжаньне
Мова(-ы)	германскія
Іншыя формы
Варыянт(ы)	Аран, Арн, Арнь, Яран, Ярань
Зьвязаныя імёны	Арнольд, Арнат
Зьвязаныя артыкулы
якія пачынаюцца з «Ярна»

Паходжаньне

Асноўны артыкул: Імёны ліцьвінаў

Арын, Аран, Арн або Арна (Arin, Aran, Arn, Arno) — імя германскага паходжаньня^[1]. Іменная аснова арн- паходзіць ад стараверхненямецкага arn 'арол'^[2]. Сярод ліцьвінаў бытавалі імёны Арнольд (Ярнольт), Арнат; адзначаліся германскія імёны Arnold (Arnolt, Ernold), Arnad. Апроч таго, існуе іменная аснова ар-, якая паходзіць ад гоцкага ara 'арол'^[3].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Jarno (Ernus), Arnko, Jarnusz, Jarnołt (Jarnułt, Jernułt, Arnołt, Arnułt, Arnoldus, Arnaldus, Ernoldus)^[4].

У Чэхіі гістарычна бытавала германскае імя Arnušt^[5].

У Прусіі бытавала імя Arneke / Arnike^[a] (1419, 1425 і 1437 гады)^[7].

У Польшчы ў 1579 годзе адзначалася прозьвішча Jaroniewicz, у 1655 годзе — Jaroniowicz^[8].

Варыянты імя ў гістарычных крыніцах: villa dicta Jarinicze (11 чэрвеня 1407 году)^[9]; Orany… Jarniew (1744 год)^[10]; Aranowicz (1763 год)^[11]; Justyna Jozefata Orniewicz (1799 год)^[12]; Antoni Jaranowicz (1802 год)^[13]; Mikołaj Ornowicz (1807 год)^[14][b].

Носьбіты

Арановічы (Aranowicz) — літоўскі шляхецкі род з Троцкага ваяводзтва^[17].

Яраневічы (Jaroniewicz) — літоўскі шляхецкі род^[18][19].

Арановічы (Oranowicz) — літоўскі шляхецкі род з Ваўкавыскага павету^[20].

З германскім (паўночнагерманскім) імём Arni (Arne) зьвязваюць назву вёскі Ярнева на гістарычнай Слонімшчыне^[21].

Назву Араны маюць места на гістарычнай Троччыне, вёска на гістарычнай Ваўкавышчыне і гістарычная мясцовасьць ў Менску. У гістарычнай Прусіі існуюць вёскі Арнаў і Арнова.

Заўвагі

1. Адзначалася старажытнае германскае імя Arnihho^[1], пазьнейшае Arnecke^[6]
2. Таксама:

   • Амбар (адзначалася германскае імя Ambor^[15]): паміж 1533 і 1535 гадамі ўпамінаўся дарсуніскі баярын Ян Амборавіч (Ян Омборович^[16])