Арнольд

Арнольд (Арнольт, Арнальд), Ярнолт (Ярнольт)  — мужчынскае імя і вытворнае ад яго прозьвішча.

Arnold
Паходжаньне
Мова(-ы)	германскія
Утворанае ад	Arno + Wald
Іншыя формы
Варыянт(ы)	Арнольт, Арнальд, Ярнолт, Ярнольт
Зьвязаныя артыкулы
якія пачынаюцца з «Арнольд»

Паходжаньне

Асноўны артыкул: Імёны ліцьвінаў

Арнаалд, Арналд, Арналт або Ерналд, пазьней Арнальд або Арнольд (Arnoald, Arnold, Arnolt, Ernold^[1]) — імя германскага паходжаньня^[2][3][4]. Іменная аснова арн- (імя ліцьвінаў Арнат, германскае імя Arnad) паходзіць ад стараверхненямецкага arn 'арол'^[5], а аснова -валд- (-алд, -олт) (імёны ліцьвінаў Геральт, Левалт, Рамвольт; германскія імёны Gerwald, Lewolt, Romuald) — ад гоцкага і германскага waldan 'валодаць, гаспадарыць' або wulþus 'слава, мажнасьць'^[6].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Jarnołt (Jernołt, Arnołt)^[7].

Варыянты імя ў гістарычных крыніцах: на одного немчина, на Ерънолта (1470-я — 31 сьнежня 1485 году)^[8]; Янъ Ярнолть^[9], Миколаи Ярнолътовичъ^[10] (1528 год); панъ Арнольдъ Выриковскій (10 сакавіка 1603 году)^[11]; Arnoldus Marin, Vilnensis Lithvanus (1616 і 1621 гады)^[12]; Arnolt (1636 год)^[13]; Antoni Arnald (1811 год)^[14]; Franciszek Arnold (1814 год)^[15].

Носьбіты

• Арнольд Фрайзынскі († 883) — біскуп Фрайзынгу
• Арнольд I Фалькенбэрскі († 1055) — біскуп Шпаеру
• Арнольд I Кёльнскі (каля 1100—1151) — арцыбіскуп Кёльну
• Арнольд I Трырскі († 1183) — арцыбіскуп Трыру
• Арнольд I Познаньскі († 1186) — біскуп Познані
• Арнольд II Познаньскі († 1211) — біскуп Познані
• Арнольд фон Остэн — шляхціч, які ў 1368 годзе разам з братамі Дабрагостам, Ульрыкам, Бартольдам і Гінрыкам атрымаў ад караля польскага Казімера Вялікага ў лен Рагозьна (цяпер у Велікапольскім ваяводзтве)^[16]
• Ян Ярнольт — бельскі баярын, які ўпамінаецца ў попісе войска Вялікага Княства Літоўскага 1528 году
• Мікалай Ярнольтавіч — бельскі баярын, які ўпамінаецца ў попісе войска ВКЛ 1528 году
• Арнольд Міхневіч (1936—2020) — беларускі мовазнаўца
• Арнольд Сьмеяновіч (1938—2021) — беларускі нэўрахірург
• Арнольд Шварцэнэгер (нар. 1947) — амэрыканскі актор, грамадзкі й дзяржаўны дзяяч

Арнольды — літоўскі шляхецкі род^[17].

Глядзіце таксама

• Арна
• Валд