Nokia Lumia 820

Nokia Lumia 820 (па-фінску: Lumi — «сьнег») — смартфон, выпушчаны Nokia для Windows Phone 8 у лістападзе 2012 году замест ранейшага Nokia Lumia 800. Апэрацыйная сыстэма WP8 мае беларускамоўны інтэрфэйс. Зьяўляецца першым тэлефонам Нокіа пад WP8 з разьёмам для мікракартаў памяці. Зарада акумулятара стае на 7 гадзінаў размоваў або на 10 дзён і 20 гадз. чаканьня (гадз. размовы = суткі і 13 гадз. чаканьня або 39 хвіл. размовы = суткі чаканьня). Паказьнік паглынаньня выпраменьваньня (SAR) ад тэлефона складаў 0,94 ват/кг^[1].

Nokia Lumia 820
Nokia Lumia 820
Гандлёвая марка	Нокія
Вытворца	Нокія
Сэрыя	Lumia series[d]
Дыяпазоны частасьцяў	GSM/GPRS/EDGE 850/900/1800/1900; W-CDMA 850/900/1700/1900/2100; LTE 700/800/850/900/1700/1800/1900/2100/2600
Дата выпуску	7 лістапада 2012
Дата спыненьня	2014
Папярэднік	Nokia Lumia 800[d]
Наступнік	Nokia Lumia 830[d]
Тып корпусу	Пліта
Маса	160 грам
Памеры	123,8 мілімэтар×68,5 мілімэтар×9,9 мілімэтар
Апэрацыйная сыстэма	Windows Phone 8[d]
Пярэдняя камэра	8 млн піксэлаў, сьветладыёдная ўспышка, аўтафакусаваньне
Інтэрфэйсы	Зносіны блізкага поля (NFC), Bluetooth 4.0, Wi-Fi, 802.11a/b/g/n
nokia.com/global/… (анг.)
Nokia Lumia 820 у Вікісховішчы

Уласьцівасьці

Дотыкавы экран з дыяганальлю 4,3 цалі і актыўнай матрыцай на арганічных сьветладыёдах (AMOLED) меў разрозьненьне 480×800 піксэлаў (217 пкс/цаля). Сховішча складала 8 гігабайтаў з магчымасьцю пашырэньня за кошт падлучэньня картаў памяці, апэратыўная запамінальная прылада — 1024 мэгабайтаў. Камэра дазваляе ствараць высокаразрозьненае відэа ў 1080 паземных лініяў з суадносінамі бакоў 16:9 (1,78:1). Двух’ядравы працэсар MSM8960 мае частасьць 1,5 гігагэрцу. Тэлефон прадаецца зь бяздротавай падзарадкай. Корпус прапаноўваўся ў адным з 7 адценьняў — белы, блакітны, жоўты, фіялетавы, чорны, чырвоны або шэры^[2].