Андрэеўшчынскі сельсавет

Андрэ́еўшчынскі сельсавет — адміністрацыйна-тэрытарыяльная адзінка ў складзе Аршанскага раёну Віцебскай вобласьці. Адміністрацыйны цэнтар — вёска Андрэеўшчына.

Андрэеўшчынскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Уваходзіць у	Аршанскі раён
вёска	Андрэеўшчына
Колькасьць населеных пунктаў	8 вёсак
Дата ўтварэньня	20 жніўня 1924
Насельніцтва (2019)	1487
Мэдыя-зьвесткі
Дадатковыя мультымэдыйныя матэрыялы

Гісторыя

Утвораны 20 жніўня 1924 году як Кудаеўскі сельсавет у складзе Аршанскага раёну Аршанскай акругі БССР. Цэнтр — вёска Кудаева. У 1928 годзе цэнтар сельсавету перанесены ў вёску Салаўі. Пасьля скасаваньня акруговай сыстэмы 26 ліпеня 1930 году ў Аршанскім раёне. У 1931 годзе цэнтар сельсавету вернуты ў вёску Кудаева. Пасьля ўвядзеньня абласнога падзелу 20 лютага 1938 году сельсавет у Аршанскім раёне Віцебскай вобласьці. У 1939 годзе цэнтар сельсавету зноў перанесены ў вёску Салаўі. На 1 студзеня 1974 года ў складзе Кудаеўскага сельсавета 10 населеных пунктаў^[1]. 12 жніўня 1974 году цэнтар сельсавета перанесены ў вёску Міцькаўшчына^[2]. 15 мая 1984 году цэнтар сельсавета перанесены ў вёску Андрэеўшчына, сельсавет перайменаваны ў Андрэеўшчынскі^[3]. 27 сьнежня 1985 году ў склад Высокаўскага сельсавету перададзена вёска Людкаўшчына^[4].

Насельніцтва

Насельніцтва сельсавета паводле перапісу 2009 года — 1178 чалавек^[5], з іх 89,9 % — беларусы, 8,5 % — расейцы, 0,7 % — украінцы^[6]; паводле перапісу 2019 года — 1487 чалавек^[7].

Склад

У склад сельсавета ўваходзяць 8 вёсак: Андрэеўшчына, Анібалева, Вялікая Міцькаўшчына, Берасьценава, Міцькаўшчына, Кабылякі, Кудаева, Солаўе.