Артур Слабашэвіч
беларускі футбаліст From Wikipedia, the free encyclopedia
Remove ads
Арту́р Слабашэ́віч (нарадзіўся 9 лютага 1989 году) — беларускі футбаліст, абаронца.
Remove ads
Кар’ера
Пачынаў кар’еру ў менскай «Зорцы-БДУ». У сэзоне 2007 году замацаваўся ў асноўным складзе клюбу. У лютым 2008 году стаў гульцом чэскага клюбу «Мост»[4]. Вярнуўся ў Беларусь улетку 2010 году, стаў выступаць за рэчыцкі «Ведрыч-97», а пазьней вярнуўся ў «Зорку-БДУ».
Улетку 2011 году разам з партнэрамі па камандзе Паўлам Грачышкам, Яраславам Шкурко і Дзянісам Трапашкам перайшоў у клюб «Смалявічы», які ўзначаліў вядомы беларускі трэнэр Юры Пунтус. На наступны год разам з гэтым клюбам атрымаў перамогу ў другой лізе. У сэзоне 2013 году выступаў за «Смалявічы-СТІ» ў першай лізе. Па заканчэньні сэзону знаходзіўся на праглядзе ў берасьцейскім «Дынама», але ў выніку ў сакавіку 2014 году перайшоў у «Іслач»[5].
Са студзеня 2015 году знаходзіўся на праглядзе ў мазырскай «Славіі»[6], якую на той момант ачольваў Пунтус. У выніку ў сакавіку падпісаў кантракт з клюбам[7]. 10 красавіка 2015 году дэбютаваў у найвышэйшай лізе матчам супраць БАТЭ на «Барысаў-Арэне», дзе выглядаў даволі няблага, аднак каманда атрымала паразу зь лікам 1:0. У складзе «Славіі» замацаваўся на пазыцыі левага абаронцы. У сакавіку 2016 году падпісаў кантракт з клюбам «Віцебск»[8]. Пачынаў сэзон асноўным абаронцам, але потым страціў месца ў складзе. У ліпені 2016 году далучыўся да прысталічнай «Іслачы»[9].
Здолеў замацавацца ў складзе «Іслачы», гуляў звычайна на пазыцыі левага абаронцы, але часам выкарыстоўваўся ў паўабароне. У студзені 2017 году падоўжыў кантракт з клюбам[10]. У красавіку 2017 году гуляў за дубль, але хутка вярнуўся ў асноўны склад каманды. У студзені 2019 году падоўжыў пагадненьне зь «Іслаччу»[11], аднак у новым сэзоне стаў атрымоўваць менш часу на полі, часьцей выходзячы на замену ў канцы сустрэчы. У ліпені 2019 году кантракт з абаронцам быў скасаваны[12]
У ліпені 2019 году падпісаў кантракт з гарадзенскім «Нёманам»[13]. У складзе гарадзенскай каманды трывала выступаў у першай адзінаццатцы. Аднак, у студзені 2021 году пакінуў «Нёман»[14]. У лютым стаў трэнавацца зь берасьцейскім «Дынама» і неўзабаве падпісаў кантракт з клюбам[15]. Замацаваўся ў стартавым складзе каманды. У пачатку 2022 году некаторы час падтрымліваў форму з гарадзенскім «Нёманам», а пазьней далучыўся да бабруйскай «Белшыны» і ў сакавіку афіцыйна ўзмоцніў склад клюбу[16]. У сэзоне 2022 году рэгулярна гуляў у асноўным складзе бабруйчанаў. У пачатку 2023 году некаторы час трэнаваўся з камандай, аднак у выніку ня трапіў у заяўку «Белшыны» на сэзон і пакінуў клюб.
Remove ads
Статыстыка
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads