Бардзілаўка

Бардзі́лаўка^[1] — вёска ў Беларусі, каля ракі Грэбенкі. Уваходзіць у склад Міханавіцкага сельсавету Менскага раёну Менскай вобласьці. Знаходзіцца на аўтамабільнай дарозе Н9061.

Бардзілаўка лац. Bardziłaŭka
Краіна:	Беларусь
Вобласьць:	Менская
Раён:	Менскі
Сельсавет:	Міханавіцкі
Насельніцтва:	172 чал. (2010)
Часавы пас:	UTC+3
Тэлефонны код:	+375 17
Паштовы індэкс:	223070
Нумарны знак:	5
Геаграфічныя каардынаты:	53°42′46″ пн. ш. 27°40′40″ у. д.
Бардзілаўка на мапе Беларусі ± Бардзілаўка Бардзілаўка
Галерэя здымкаў у Вікісховішчы

Назва

Асноўны артыкул: Бардзіла

Бардзіла (Bardilo) — імя германскага паходжаньня^[2].

Гісторыя

Да нядаўняга часу ў вёсцы працавала няпоўная сярэдняя школа, будынак якой прадаецца.

Насельніцтва

• 1909 год — 302 чалавекі ў вёсцы Бардзілаўцы Забалоцкай і 376 чалавек у вёсцы Бардзілаўцы Лешніцкай^[3]
• 1999 год — 206 чалавек
• 2010 год — 172 чалавекі

Забудова

Складаецца зь некалькіх частак. Мае некалькі вулічных адгалінаваньняў. У ​​вёсцы некалькі сотняў дамоў. На поўначы разьмешчана в. Аляксееўка, на ўсходзе — дачны пасёлак «Узгор’е», на поўдні — газанапаўняльная станцыя. У вёсцы ёсьць крама.

Гаспадарка

У вёсцы разьмяшчаюцца жывёлагадоўчыя фэрмы. Ёсьць піларама, якая цяпер знаходзіцца на рэканструкцыі.

Камунікацыі

У вёсцы ёсьць вулічнае асьвятленьне. Цэнтральная дарога асфальтаваная. Ёсьць грамадзкія калёнкі, але яны не працуюць.

Транспарт і дарогі

Цэнтральная вясковая дарога Н-9061 асфальтаваная, ёсьць неасфальтаваныя адгалінаваньні. У Бардзiлаўку некалькі разоў на дзень прыбывае прыгарадны аўтобус. Таксама ў вёску ходзіць маршрутнае таксi.

Асобы

• Леанід Бачыла — былы першы намесьнік міністра аўтатранспарту БССР