Бардзіла

Бардзіла (Бартэль) — мужчынскае імя і вытворнае ад яго прозьвішча.

Bardilo
Паходжаньне
Мова(-ы)	германскія
Утворанае ад	Bardo + суфікс з элемэнтам -л- (-l-)
Іншыя формы
Варыянт(ы)	Бартэль
Зьвязаныя артыкулы
якія пачынаюцца з «Бардзіла»

Паходжаньне

Асноўны артыкул: Імёны ліцьвінаў

Бардзіла, пазьней Бартэль (Bardilo, Bartel, Barzilo) — імя германскага паходжаньня^[1]. Іменная аснова -бард- (-барт-) (імёны ліцьвінаў Бардзін, Барталт; германскія імёны Bardinus, Bartolt) паходзіць ад гоцкага *bards 'волат'^[2] або ад стараверхненямецкага barta 'баявая сякера'^[3].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Bartol^[4]. Апроч таго, у Польшчы гістарычна бытавала імя Бартыла: Bartilo (1448 год)^[5].

У Памор’і адзначалася прозьвішча Bartel^[6].

У Прусіі бытавала прозьвішча Bartel^[7].

Варыянты імя ў гістарычных крыніцах: з Боръдиловичъ (15 сьнежня 1533 году)^[8]; Borzylo Kossycz synmi Wasilem a Soboliem… Janko Barzilowic… Iwan Bordzilowic… a Iwanu Bordzilowicu… Iwan Bordzilow. <…> Piotrucz Borzilowic… Jakob, Stasz, Bordzilo a Andrzey Cziczieliowiczy (1558 год)^[9]; Borziło Jowlasowicz (2 траўня 1558 году)^[10]; Borzyło Daniłowicz… Borziło Daniłowicz (1561—1566 гады)^[11]; Курило Борздиловичъ (1563 год)^[12]; Chwietko Barthula (1563 год)^[13]; Иванъ Борзиловичъ (1566 год)^[14]; Trachim Bardziło, dziesiątnicy starostwa Uswiackiego (10 лютага 1714 году)^[15]; Bardziłowicze… Bordziły (1744 год)^[16]; Katarzyna Bartel (1832 год)^[17]; Bartel Stefanija z Nowakowskich (15 студзеня 1895 году)^[18].

Носьбіты

• Андрэй Бартэль — жыхар воласьці Беразьвечча (Полацкае ваяводзтва), які ўпамінаецца ў 1597 годзе^[19]
• Трахім Бардзіла — дзясятнік Усьвяцкага староства, які ўпамінаецца ў 1714 годзе
• Андрэй Бартэль (Бортэль) — жыхар вёскі Будзішча (Полацкае ваяводзтва), які ўпамінаецца ў 1783 годзе^[20]

У канцы XVIII ст. на гістарычнай Аршаншчыне адзначаўся шляхецкі род Бардзіловічаў^[21].

Бартэлі — уніяты Голдаўскай парафіі^[22].

Бартэль (Bartel) і Бартла (Bartlo) — прозьвішчы, зафіксаваныя ў XIX стагодзьдзі ў ваколіцах Сувалкаў^[23].

На 1904 год існавала вёска Бартулева ў Бельскім павеце Смаленскай губэрні^[24].

На 1910 год існаваў фальварак Бартулева ў Сеньненскім павеце Магілёўскай губэрні^[25].

На гістарычнай Амсьціслаўшчыне існуе вёска Бардзілы, на гістарычнай Меншчыне — Бардзілаўка.