Віктар Шалкевіч

Ві́ктар Анто́навіч Шалке́віч (нар. 9 лютага 1959 году ў Поразаве Гарадзенскай вобласьці) — беларускі бард, актор, паэт і шоўмэн. Вырас на памежжы беларускай, жыдоўскай і польскай культураў.

Віктар Шалкевіч
На канцэрце ў Віцебску, 2010 г.
Дата нараджэньня	9 лютага 1959(1959-02-09) (66 гадоў)
Месца нараджэньня	Поразаў, Сьвіслацкі раён, Гарадзенская вобласьць, БССР
Грамадзянства	Беларусь
Месца вучобы	Беларуская дзяржаўная акадэмія мастацтваў
Прафэсія	актор, паэт
Месца працы	Гарадзенскі абласны драматычны тэатар Гарадзенскі дзяржаўны коледж мастацтваў[d] Гарадзенскі тэатар лялек Нацыянальны акадэмічны тэатар імя Янкі Купалы
Гады дзейнасьці	1980 — цяпер
Жанры	бардаўская песьня
Інструмэнты	гітара
Псэўданімы	Валенцы Едвабкевіч
Узнагароды	Ордэн Усьмешкі
Віктар Шалкевіч у Вікісховішчы

Біяграфія

Скончыў школу ў Поразаве, затым Беларускі дзяржаўны тэатральна-мастацкі інстытут у Менску (у 1980 годзе). Працаваў у Гарадзенскім абласным драматычным тэатры (1980—1987), выкладчыкам у Гарадзенскай культасьветвучэльні (1987—1990). З 1990 году працуе ў тэатры лялек у Горадні.

Творчасьць

Віктар Шалкевіч на канцэрце

Віктар Шалкевіч на канцэрце ў Варшаве, 25 сакавіка 2012 году

Яшчэ ў школе пачаў пісаць і выконваць песьні на беларускай мове. «За частыя сустрэчы зь дзецьмі і папулярызацыю сярод іх ведаў аб тэатры» быў узнагароджаны міжнародным Ордэнам усьмешкі, кавалерамі якога зьяўляюцца Ян Павал II, Астрыд Ліндгрэн, Стывэн Сьпілбэрг і іншыя. Саркастычныя творы гарадзенца станоўча ўспрымаюцца сучасьнікамі як прыклад клясычнага гумару. Шалкевіч зьяўляецца ляўрэатам рэспубліканскіх і міжнародных конкурсаў аўтарскай песьні, у тым ліку «Басовішча-92», «Восень бардаў-93» (Польшча). З канцэртамі выступае ў Беларусі, Летуве, Нямеччыне, Польшчы, Расеі, Украіне, Францыі, Чэхіі. Тэксты песень перакладзены на ангельскую, нямецкую, польскую, украінскую і чэскую мовы.

Альбомы

• Правінцыя (1992)
• Смутны беларускі блюз (1996)
• Балады і рамансы (1998)
• Добрай раніцы (2002)
• За сто крокаў ад Вострае Брамы (2004)
• Гарадзенец прызямліўся ў Менску (2006)
• Enigmatyczne kino Lwow (па-беларуску: Таямнічы кінатэатар Львоў — польскамоўная кружэлка)
• Шчасьлівая сямёрка (2009)
• «Viktar Šalkievič» (2019) (дзьве кружэлкі: «Такая доўгая зіма» і «Балады. Найлепшае»)^[1]

Фільмаграфія

• «Плач перапёлкі» (у ролі камэнданта Гуфэльда)
• «Атрад»
• «Сьлёзы блуднага сына» (галоўная роля)
• «Салодкі яд каханьня» (галоўная роля)^[2]
• «Тутэйшыя» (у ролі вулічнага музыкі)

Сям’я

Жанаты. Мае дачку.

Дадатковыя зьвесткі

У Празе бард аднойчы граў разам з тамтэйшым сэнатарам Сватаплукам Карасэкам.

Літаратура

• Д.П. ШАЛКЕВІЧ ВІКТАР (Шалкевич Виктор, Shalkevich Viktar) // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 334–335. — 368 с. — 2000 ас. — ISBN 978-985-6783-42-8