Вірла

Вірла, Вэрела (Вірыла, Вірула) — мужчынскае імя і вытворнае ад яго прозьвішча.

Werle
Паходжаньне
Мова(-ы)	германскія
Утворанае ад	Wero + суфікс з элемэнтам -л- (-l-)
Іншыя формы
Варыянт(ы)	Вэрела, Вірыла, Вірула
Зьвязаныя артыкулы
якія пачынаюцца з «Вірла»

Паходжаньне

Асноўны артыкул: Імёны ліцьвінаў

Верла або Варэл (Werle, Warrell^[1]) — імя германскага паходжаньня^[2]. Іменная аснова -вер- (-вар-, -вір-) (імёны ліцьвінаў Вірбольт, Вірконт, Вірмонт; германскія імёны Virboldus, Werecundus, Vermunt) паходзіць ад германскага *war(j)a-, war(i)n 'абарона'^[3].

Варыянты імя ў гістарычных крыніцах: Матеи Вирловичъ кон. Богушъ Вирловичъ конь. Юхно Вирловичъ… Богдановая Вирловича (1528 год)^[4]; с поддаными… Мокеемъ Виръловичомъ (19 сакавіка 1562 году)^[5]; Antoni Franciszek Wirłowicz (28 траўня 1744 году)^[6]; Jgnacy Wirłowicz (4 кастрычніка 1765 году)^[7]; Marianna Wereło (1840 год)^[8].

Носьбіты

• Мацей, Богуш, Юхна і Багдан Вірлавічы — наваградзкія баяры, якія ўпамінаюцца ў попісе войска Вялікага Княства Літоўскага 1528 году

Богушы Віруловічы (Bohusz Wirułowicz) гербу Вадвіч^[9] — літоўскі шляхецкі род з Наваградзкага ваяводзтва^[10].

У акце Вялікага Княства Літоўскага ўпамінаўся Вірыловіч (Вирылович)^[11]

На гістарычнай Меншчыне існуе вёска Вірлавічы.