Вірмонт

Вірмонт, Вярмонт, Вэрэмунд — мужчынскае імя.

Vermunt
Паходжаньне
Мова(-ы)	германскія
Утворанае ад	Wero + Munt
Іншыя формы
Варыянт(ы)	Вярмонт, Вэрэмунд
Зьвязаныя артыкулы
якія пачынаюцца з «Вірмонт»

Паходжаньне

Асноўны артыкул: Імёны ліцьвінаў

Вэрэмунд, Вэрымунд, Верымунт, Вермунт, Вірмунд, Вірмунт або Вэрмонт (Veremund, Werimund, Werimunt, Vermunt^[1], Virmundis, Virmundus^[2], Vermond^[3], Uirmuntr^[4], Wermont^[5][6]) — імя германскага паходжаньня^[7]. Іменная аснова -вер- (-вар-, -вір-) (імёны ліцьвінаў Вірбольт, Вербут, Вірконт; германскія імёны Virboldus, Warboto, Werecundus) паходзіць ад германскага *war(j)a-, war(i)n 'абарона'^[8], а аснова -мунд- (-мунт-, -монт-) (імёны ліцьвінаў Монтгерд, Валімонт, Жыгімонт; германскія імёны Mundgerd, Walmont, Sigimunt) — ад германскага *mundô 'рука, абарона, крэўнасьць'^[9] або гоцкага munds 'моц розуму, імкненьне', mundrs 'гарлівы, палкі'^[10].

Германскі характар літоўскіх імёнаў з асновай -монт- (-мант-) — як і запазычаньне самой асновы з германскіх моваў — сьцьвердзілі францускі лінгвіст-германіст Раймонд Шмітляйн^[11] і амэрыканскі лінгвіст Альфрэд Зэн^[12].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Warmundus^[13].

У Чэхіі бытавала германскае імя Varmunt^[14].

Варыянты імя ў гістарычных крыніцах: Мы от рода Рускаг: <…> Веремоуд^[a] (Аповесьць мінулых часоў)^[16]; Петръ Вирмонтовичъ (1528 год)^[17]; Zaracki Weremund (1771 год)^[18]; Jozefata Wiermontowicz (1826 год)^[19].

Носьбіты

• Вэрымунд († — паміж 500 і 508) — кароль свэваў у Галісіі
• Пётар Вірмонтавіч — вількамірскі баярын, які ўпамінаецца ў попісе войска Вялікага Княства Літоўскага 1528 году

Вармунтовічы (Warmuntowicz) гербу Праўдзіч^[20] — шляхецкі род Рэчы Паспалітай^[21].

Глядзіце таксама

• Вера
• Мунд

Заўвагі

1. Адпавядае германскаму імю Beremund (Vermund)^[15]