Гайдэль

Гайдэль (Гайдзель, Гайдзіл), Гейтыла (Гейдэль) — мужчынскае імя і вытворнае ад яго прозьвішча.

Gaidel
Паходжаньне
Мова(-ы)	германскія
Утворанае ад	Gaido + суфікс з элемэнтам -л- (-l-)
Іншыя формы
Варыянт(ы)	Гейтыла, Гайдзель, Гайдзіл, Гейдэль
Вытворныя формы	Гедзель
Зьвязаныя артыкулы
якія пачынаюцца з «Ґайдэль»

Паходжаньне

Асноўны артыкул: Імёны ліцьвінаў

Гайдул або Гайтыл, пазьней Гайдэла, Гайдэль або Гайтэль (Gaidulus^[1], Geitill^[2], Gaedello^[3], Gaidel, Geidel, Geitel) — імя германскага паходжаньня^[4]. Іменная аснова -гайд- (-гайт-, -гейт-) (імёны ліцьвінаў Гейдар, Гейтарт, Гайдэман; германскія імёны Geiter, Gaiterda, Geidemann) паходзіць ад германскага gaid 'рагаціна, дзіда'^[5].

У Прусіі бытавала імя Гейдэль (Гейдыл): Geidel / Geydil (1407 год)^[6].

Варыянты імя ў гістарычных крыніцах: Gojdził (1545 год)^[7]; отъ границы бояръ Кгейтиловичовъ (1554 год)^[8]; Marczin Goidzieliewic (1558 год)^[9]; s Piotręm Goydelęm (12 кастрычніка 1561 году)^[10]; do Gajdela (30 сьнежня 1608 году)^[11]; Gaydela… Gaydelewicz (1671—1681 гады)^[12]; Gaydele… Gaydziele (1744 год)^[13].

Носьбіты

• Крыштап Гайдэлевіч — жыхар Вільні, які ўпамінаецца ў 1679 годзе^[14]
• Казімер Гейдэль (Gejdel) — уладальнік гаспадаркі ў Яданцах каля Падбярэзьзя на 1931 год^[15]

Гайдэлі або Гайдзелі (Gajdel, Gajdziel) — прыгонныя зь вёсак Баяраў, Дзедзішкаў, Лабунцаў і Новікаў (каля Даўгелішкаў), якія ўпамінаюцца ў XIX стагодзьдзі^[16].

Назву Гайдэлішкі маюць вёскі на гістарычнай Браслаўшчыне.