Гедзель

Гедзель (Гетула, Кетэль), Гадыла, Гедзіла, Гідэль (Кіцела, Кіціла), Гаціла (Гадыля, Гатэль, Гадэль) — мужчынскае імя і вытворнае ад яго прозьвішча.

Gedel
Паходжаньне
Мова(-ы)	германскія
Утворанае ад	Geda + суфікс з элемэнтам -л- (-l-)
Іншыя формы
Варыянт(ы)	Гадыла, Гедзіла, Гідэль, Гетула, Гаціла, Гатэль, Гадэль, Кетэль, Кіцела, Кіціла
Вытворныя формы	Гайдэль
Зьвязаныя артыкулы
якія пачынаюцца з «Ґедзель»

Паходжаньне

Асноўны артыкул: Імёны ліцьвінаў

Гадзіла, Гадула, Гедзел, Гаціла, Гатул, Геціла, Гіціла, Каціла або Кеціл, пазьней Гатэль або Гетэль (Gadilo^[1], Gadulo^[2], Gedel, Gattilo^[3], *Gattila^[4], Gattul^[3], Getilo, Gitila^[5], Catilo^[6], Ketil, Gattel^[7], Gettel^[7]) — імя германскага паходжаньня^[8]. Іменная аснова -гед- (-гад-, -гід-) (імёны ліцьвінаў Гедзень, Гедвін, Гедмонт; германскія імёны Gedenus, Gedovin, Gadamundus) паходзіць ад старагерманскага gidd- 'пыхлівы, ганарысты', ісьляндзкага geð 'нораў, тэмпэрамэнт'^[9] або гоцкага gadiliggs 'сваяк, родзіч'^[10].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Ketel, Ketla, Kitel, Kityl, Kitla^[11]. Апроч таго, у Польшчы гістарычна бытавалі імёны Гадала і Гадзюла: Gadala (1494 год)^[12], Gadzyula (XV ст.)^[13].

У Прусіі бытавала імя Гедзел: Gedele (1375 і 1421 гады)^[14].

Варыянты імя ў гістарычных крыніцах: Budr Gediłowicz (XV—XVI ст. паводле выпісу XIX ст.)^[15]; въ Сомилишъской волости… люди… Пунь Китиловичъ (1529 год)^[16]; Gatiłowicz… Gidlowna (1671—1681 гады)^[17]; Anną Gabrielową Kidelową… Gabrielowa Kidelową… Obwiniona w czarodzieystwie Kidelowa (18 чэрвеня 1757 году)^[18]; Ewa Gatel (1779 год)^[19]; Rozalia Giedelewicz (1795 год)^[20]; Anna Gadel (1841 год)^[21].

Носьбіты

• Валенты Гецель (Walenty Getiel) — львоўскі мешчанін, які ўпамінаецца ў 1574 годзе^[22]
• Павал, Андрэй, Кузьма, Якуб і Грышка Кіцелы — жыхары вёскі Рындзіна (каля Полацку), якія ўпамінаюцца ў 1680 годзе^[23]

Кетэлі (Ketel) — літоўскі шляхецкі род зь Лідзкага павету^[24].

Гідэлевічы (Gidelewicz) — літоўскі шляхецкі род^[25].

Гетулевічы (Gietulewicz) — літоўскі шляхецкі род з Аршанскага павету^[26].

Гідлевічы (Gidlewicz) гербу Газдава — шляхецкі род Рэчы Паспалітай^[27].

Гадыла (Gadylo) і Кідэль (Kiedel) — прозьвішчы, зафіксаваныя ў XIX стагодзьдзі ў ваколіцах Сувалкаў^[28].

У былым Жамойцкім старостве існуе вёска Гедзелішкі, на гістарычнай Віленшчыне — Гадзілуны.