Кальзьберг

Ка́льзьберг^[4] — вёска ў Менскім раёне Менскай вобласьці. Уваходзіць у Лашанскі сельсавет. Знаходзіцца за 35 км на паўночны захад ад цэнтру Менску, за 1,5 км на поўнач ад павароту на Гую з аўтамабільнае дарогі Р28 Менск — Маладэчна — Нарач.

Кальзьберг
трансьліт. Kaĺźbierh
Краіна:	Беларусь
Вобласьць:	Менская
Раён:	Менскі
Сельсавет:	Лашанскі
Насельніцтва
колькасьць:	43 чал. (2012)[1]
колькасьць двароў:	каля 10
Часавы пас:	UTC+3
Тэлефонны код:	+375 17
Паштовы індэкс:	223047[2]
СААТА:	6236858081[3]
Нумарны знак:	5
Геаграфічныя каардынаты:	54°8′21″ пн. ш. 27°15′4″ у. д.
Кальзьберг на мапе Беларусі ± Кальзьберг Кальзьберг
Галерэя здымкаў у Вікісховішчы

Гісторыя

28 траўня 2013 году перададзеная з Рагаўскога ў Лашанскі сельсавет^[5].

Насельніцтва

• 2012 год — 43 жыхары, каля 10 двароў^[1]
• 2010 год — 38 жыхароў
• 1999 год — 40 жыхароў

Кальзьберг і Янка Купала

«Ад самай красы маіх дзён невясёлых Настаўнікам быў беларускі абшар; Усходы палеткаў і гоманы ў сёлах Навуку сваю мне прыносілі ў дар. Душу акрылялі прыгожасьці сьвету, Па гонях пад небам лунала яна, Купалася ў сонцы вясёлкай расьпетай, Сама, як вясёлка, як казка-вясна.»

Я. Купала. Зь вершу «Мая навука», Кальзьберг, 1919.

У Кальзьбергу на пачатку ХХ стагодзьдзя знаходзіўся фальварак, які належаў цесьцю Б. Тарашкевіча Андрэю Сьнітку. У 1919 годзе фальварак арандаваў Юльян Раманоўскі, муж сястры Янкі Купалы Леакадзіі Раманоўскай. Паэт наведваў гэтыя мясьціны ў жніўні 1919 году, жыў тут каля тыдня і напісаў вершы «Мая навука»^[6] і «На нашым…».^[7]

У 1920—1930-я гады Купала прыяжджаў у Кальзьберг да Янкі Шлыковіча, ад якога запісваў прымаўкі, прыказкі. Лічыцца, што свой верш «Каваль» Купала напісаў пад уражаньнем асабістага знаёмства са Шлыковічам.^[8]