Леанід Дашук

Леані́д Андрэ́евіч Дашу́к (нар. 22 чэрвеня 1938) — беларускі дзяржаўны дзяяч, першы міністар юстыцыі Рэспублікі Беларусь (1991—1994). Заслужаны юрыст БССР.

Леанід Дашук
Міністар юстыцыі Рэспублікі Беларусь
21 лютага 1991 — 4 лютага 1994
Прэм’ер-міністар	Вячаслаў Кебіч
Наступнік	Валянцін Сукала
Асабістыя зьвесткі
Нарадзіўся	22 чэрвеня 1938 (87 гадоў) Слуцак, Беларусь
Адукацыя	Беларускі дзяржаўны ўнівэрсытэт
Узнагароды	Ордэн «Знак Пашаны»

Вікіпэдыя мае артыкулы пра іншых асобаў з прозьвішчам Дашук.

Жыцьцяпіс

У 1964 скончыў Беларускі дзяржаўны ўнівэрсытэт па спэцыяльнасці «Правазнаўства», заслужаны юрыст БССР.

У 1964—1965 — сьледчы пракуратуры Барысаўскага раёну, пасьля сьледчы пракуратуры Мядзельскага раёну Менскай вобласьці. Працаваў судзьдзём Мядзельскага (1965—1968), Слуцкага раёну (1968—1976) Менскай вобласьці.

З красавіка 1976 да 1990 року — сябра Вярхоўнага суда БССР.

21 лютага 1991 року быў прызначаны міністрам юстыцыі БССР^[1]. 4 лютага 1994 вызвалены ад пасады Міністра юстыцыі^[2].

З 23 верасьня 1992 быў судзьдзём Эканамічнага суда СНД^[3], у 1994—1996 — старшыня суда і Пленума Эканамічнага суда СНД^[4].

У 1997 року выйшаў на пэнсію.

Узнагароды

• ордэн «Знак Пашаны»
• Ганаровая грамата Вярхоўнага Савету БССР
• Ганаровая грамата Эканамічнага суда Садружнасьці Незалежных Дзяржаваў (24 кастрычніка 2000)
• Ганаровы работнік Эканамічнага суда Садружнасьці Незалежных Дзяржаваў (5 ліпеня 2012)