Маргі (Пухавіцкі раён)

Маргі́^[1] — вёска ў Пухавіцкім раёне Менскай вобласьці Беларусі. Уваходзіць у склад Дукорскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Маргі.

Маргі
трансьліт. Marhi
Краіна:	Беларусь
Вобласьць:	Менская
Раён:	Пухавіцкі
Сельсавет:	Дукорскі
Насельніцтва:	28 чал. (2009)
Часавы пас:	UTC+3
Тэлефонны код:	+375 1713
Нумарны знак:	5
Геаграфічныя каардынаты:	53°32′54″ пн. ш. 27°59′19″ у. д.
Маргі на мапе Беларусі ± Маргі Маргі
Галерэя здымкаў у Вікісховішчы

Месьціцца за 16 км на паўночны захад ад Мар’інай Горкі, 2 км ад чыгуначнай прыпыначны пункт Дрычын на лініі Менск-Асіповічы.

Гісторыя

Паводле перапісу 1916 году вядома як хутар Маргі Цітвянскай воласьці Ігуменскага павету Менскай губэрні.

У Першую сусьветную вайну ў лютым — сьнежні 1918 году была пад акупацыяй войскаў кайзэраўскай Нямеччыне.

25 сакавіка 1918 году згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 году ў адпаведнасьці з пастановай І з’езду КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

Пасьля рэвалюцыі ператвораны ў пасёлак.

З чэрвеня 1941 году да 4 ліпеня 1944 году вёска была пад нямецкай акупацыяй.

Да 28 траўня 2013 году вёска ўваходзіла ў склад Дрычынскага сельсавету^[2].

Насельніцтва

• 1909 год — 1 двор, 7 жыхароў
• 2002 год — 18 двароў, 30 жыхароў
• 2009 год — 28 чалавек^[3]