Санель

Санель (Саніль), Сяніла (Сенель), Сініла (Сініль) — мужчынскае імя і вытворнае ад яго прозьвішча.

Sanilo
Паходжаньне
Мова(-ы)	германскія
Утворанае ад	Sano + суфікс з элемэнтам -л- (-l-)
Іншыя формы
Варыянт(ы)	Сяніла, Сініла, Сенель, Сініль, Саналь
Зьвязаныя артыкулы
якія пачынаюцца з «Санель»

Паходжаньне

Асноўны артыкул: Імёны ліцьвінаў

Саніла або Сяніла (Sanilo, Senilo) — імя германскага паходжаньня^[1]. Іменная аснова сан- (сен-), магчыма, паходзіць ад гоцкага *swans 'лебедзь'^[2].

Варыянты імя ў гістарычных крыніцах: Петель Сенелевичъ^[3], Стецько Сенелевичъ… Яцъко Сенелевичъ… Якубъ Сенелевичъ^[4] (1528 год); Mordas Sanieliewicz (1558 год)^[5]; Józef Żynielewicz (7 лютага 1780 году)^[6]; David Senełowicz (XVIII ст.)^[7].

Носьбіты

• Пецель, Стэцка, Яцка і Якуб Сянелевічы — ваўкавыскія баяры, якія ўпамінаюцца ў попісе войска Вялікага Княства Літоўскага 1528 году
• Яўсей Сінілевіч — жыхар мястэчка Начы (каля Чашнікаў), які ўпамінаецца ў 1632^[8] і 1633^[9] гадох

Саналевіч (Sanalewicz) і Санілевіч (Sanilewicz) — прозьвішчы, зафіксаваныя ў XIX стагодзьдзі ў ваколіцах Сувалкаў^[10].

У канцы XVIII ст. на гістарычнай Аршаншчыне адзначаўся шляхецкі род Сінілаў^[11].

На гістарычнай Меншчыне існуе вёска Сіняло.