Сьвіслач (Менская вобласьць)

Сьві́слач^[2] — мястэчка ў Беларусі, на правым беразе ракі Сьвіслачы, на поўнач ад возера Мацярынскага. Цэнтар сельсавету Пухавіцкага раёну Менскай вобласьці. Насельніцтва на 2018 год — 3884 чал.^[1] Знаходзіцца за 37 км на паўднёвы ўсход ад Менску, на шашы Р69.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сьвіслач.

Сьвіслач
трансьліт. Śvіslač
Дата заснаваньня:	1963
Краіна:	Беларусь
Вобласьць:	Менская
Раён:	Пухавіцкі
Сельсавет:	Сьвіслацкі
Вышыня:	175 м н. у. м.
Насельніцтва:	3884 чал. (2018)[1]
Часавы пас:	UTC+3
Тэлефонны код:	+375 1713
Паштовы індэкс:	222823
СААТА:	6244859905
Нумарны знак:	5
Геаграфічныя каардынаты:	53°38′32″ пн. ш. 27°55′7″ у. д.
Сьвіслач на мапе Беларусі ± Сьвіслач Сьвіслач
Галерэя здымкаў у Вікісховішчы

Гісторыя

Сьвіслач узьнікла ў 1960-я гады як пасёлак работнікаў абарончага прадпрыемства «Завод горнага воску». Паселішча збудавалі фактычна на голым месцы, сярод лесу. Жыхарамі мястэчка былі маладыя хімікі і будаўнікі з СССР.

У пачатку 1980-х гадоў тут пачалося будаваньне атамнай ЦЭЦ, у часе якой мястэчка значна пашырылася, узьнік пасёлак Дружны. Па катастрофе на Чарнобыльскай АЭС (1986 год) ад будаваньня АЦЭЦ адмовіліся, а на яе фундамэнце ўзьвялі Менскую ЦЭЦ-5. Запуск першага энэргаблёку цэнтралі з намінальнай магутнасьцю 330 мэгават адбыўся 4 жніўня 1999 году^[3].

У 2007—2009 гадох жыхары Сьвіслачы праводзілі грамадзкую кампанію супраць будаваньня заводу пэстыцыдаў.

Насельніцтва

• XX стагодзьдзе: 1997 год — 4,3 тыс. чал.; 1999 год — 4 тыс. чал.
• XXI стагодзьдзе: 1 студзеня 2002 году — 4,3 тыс. чал.^[4]; 2009 год — 3,9 тыс. чал.; 2016 год — 3921 чал.^[5]; 2017 год — 3886 чал.^[6]; 2018 год — 3884 чал.^[1]