Дружны (Менская вобласьць)

Дру́жны^[2] — пасёлак у Пухавіцкім раёне Менскай вобласьці Беларусі, за 40 км на паўднёвы усход ад Менску і за 4 км на паўночны ўсход ад Рудзенску. Дружны ўваходзіць у склад Сьвіслацкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дружны.

Дружны
трансьліт. Družny
Першыя згадкі:	1983
Краіна:	Беларусь
Вобласьць:	Менская
Раён:	Пухавіцкі
Сельсавет:	Сьвіслацкі
Плошча:	171,33 га[1]
Вышыня:	173 м н. у. м.
Насельніцтва:	8713 чал. (2010)
Часавы пас:	UTC+3
Тэлефонны код:	+375 1713
Паштовы індэкс:	222852
СААТА:	6244759021
Нумарны знак:	5
Геаграфічныя каардынаты:	53°37′26″ пн. ш. 27°53′56″ у. д.
Дружны на мапе Беларусі ± Дружны Дружны
Галерэя здымкаў у Вікісховішчы

Гісторыя

• 4 траўня 1982 год: міністар энэргетыкі СССР выдаў загад № 253 пра стварэньне дырэкцыі Менскай АЦЭЦ, дырэктарам быў прызначаны В. Шаманоўскі. Паралельна пачалося будаўніцтва новага пасёлку.
• верасень 1985 году: палова пасёлку фактычна была збудаваная, плянавалася, што другая палова будзе ўзьведзеная бліжэй да тэрміну здачы станцыі.
• 2 лютага 1985 году: у выніку правядзеньня конкурсу сярод школьнікаў указам прэзыдыюма ВС БССР была зацьверджана назва пасёлку.
• 1986 году: у зьвязку з аварыяй на ЧАЭС, будаўніцтва АЦЭЦ было прыпыненае.
• 1986 году: у Дружны эвакуіравана больш за 1200 чалавек з Прыпяці.
• 1986—1991 гады: будаўніцтва закансэрваванае, у 1990-я адноўленае для ўзьвядзеньня ЦЭЦ-5 на арганічным паліве.
• 4 жніўня 1999 году: запушчаны першы энэргаблёк з намінальнай магутнасьцю 330 мэгават.
• 2007—2009 гады: жыхары мястэчка праводзяць грамадзкую кампанію супраць будаўніцтва заводу пэстыцыдаў ЗАТ «Аўгуст-Бел», які адносіцца да 1-й клясы небясьпекі.

Насельніцтва

• 1 студзеня 2010 году — 8713 чалавек
• 2009 год — 7984 чалавекі
• 1999 год — 7876 чалавек

Гідраграфія

Побач рака Сьвіслач, возера Мацярынскае.