Сілічы (Берасьцейская вобласьць)

Сі́лічы^[2] — вёска ў Пружанскім раёне Берасьцейскай вобласьці. Уваходзіць у склад Мокраўскага сельсавету. Знаходзіцца за 16 км на поўнач ад Пружанаў, 28 км ад чыгуначнай станцыі Аранчыцы на лініі Баранавічы — Берасьце.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сілічы (неадназначнасьць).

Сілічы
трансьліт. Siličy
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Мокраўскі
Насельніцтва:	63 чал. (2010)
Часавы пас:	UTC+3
Тэлефонны код:	+375 1632
Паштовы індэкс:	225147[1]
СААТА:	1256845101
Нумарны знак:	1
Геаграфічныя каардынаты:	52°39′6″ пн. ш. 24°28′55″ у. д.
Сілічы на мапе Беларусі ± Сілічы Сілічы

Мінуўшчына

За расейскім часам — у Рудніцкай воласьці Пружанскага павету Гарадзенскай губэрні^[3]. Паводле перапісу 1897 року 213 жыхароў, 30 двароў.

За польскім часам — у гміне Руднікі Пружанскага павету Палескага ваяводзтва^[4]. У 1921 — 137 жыхароў, 29 двароў.

Зь верасьня 1939 року ў складзе БССР, з 15 студзеня 1940 у складзе Пружанскага раёну Берасьцейскай вобласьці. У 1940 року ў вёсцы 144 жыхары, 48 двароў. У ліпені 1942 вёска спаленая нацыстамі, забітыя 44 жыхары.

Насельніцтва

• XX стагодзьдзе: 1970 год — 102 жыхары; 1999 год — 65 жыхароў
• XXI стагодзьдзе: 2003 год — 63 жыхары, 36 гаспадарак; 2005 год — 69 жыхароў, 36 двароў^[5]; 2010 год — 63 жыхары

Транспарт

Аўтамабільная дарога Н529 Калядзічы — Ражковічы — Ляжайка.

Турыстычная інфармацыя

• Магіла ахвяраў фашызму (1942)