Уладзімер Жураў

Уладзімер Жураў (нарадзіўся 9 сакавіка 1991 году) — беларускі футбаліст, брамнік.

Уладзімер Жураў
Пэрсанальная інфармацыя
Нарадзіўся	9 сакавіка 1991(1991-03-09)[1] (34 гады) Малінаўка, Бацьвінаўскі сельсавет, Крычаўскі раён, Магілёўская вобласьць, Беларусь
Рост	186 см
Вага	82 кг[2]
Пазыцыя	брамнік
Клюбы
Гады	Клюб	Гульні (галы)¹
2009—2015	Дняпро Магілёў	32 (0)
2012—2013	→ Полацак	34 (0)
2013	→ Нафтан	1 (0)
2016—2018	Нёман Горадня	34 (0)
2019	Віцебск	5 (0)
2020—2023	Дняпро Магілёў	80 (0)
Зборныя
2009	Беларусь (да 19)[d]	1 (0)

Кар’ера

Выступаў за магілёўскі «Дняпро», дзе гуляў пераважна за дубль. З 2012 году быў асноўным брамнікам «Полацку» ў Першай лізе. Пасьля пагаршэньня фінансавага становішча полацкай каманды ў жніўні 2013 году далучыўся да наваполацкага «Нафтану». У складзе «Нафтану» быў трэцім брамнікам. 1 верасьня 2013 году дэбютаваў у асноўным складзе навапалачанаў у матчы супраць берасьцейскага «Дынама», правёўўшы ўсе 90 хвілінаў. Праз памылкі Журава «Нафтан» прапусьціў 2 галы і саступіў зь лікам 1:2. Больш у сэзоне 2013 году не полі не зьяўляўся.

У студзені 2014 году па заканчэньні тэрміну арэнды вярнуўся ў «Дняпро»^[3]. Пачынаў сэзон 2014 году ў якасьці другога брамніка, за Барысам Панкратавым, але пасьля таго як Панкратаў у ліпені 2014 году атрымаў траўму, пачаў выступаць у асноўным складзе. Паводле вынікаў сэзону 2014 году «Дняпро» выбыў у Першую лігу, дзе Жураў быў асноўным брамнікам, дзе, аднак, чаргаваўся з Русланам Капанцовым.

У лютым 2016 году па заканчэньні кантракту пакінуў «Дняпро»^[4] і накіраваўся на прагляд у гарадзенскі «Нёман», зь якім у сакавіку падпісаў пагадненьне^[5]. У складзе «Нёмана» быў другім брамнікам пасьля Сяргея Курганскага. У траўні 2017 году ў сувязі з траўмай Курганскага, заняў месца ў асноўным складзе, а пазьней пачаў часьцей зьяўляцца на полі. У лістападзе 2017 году на два гады падоўжыў кантракт зь «Нёманам»^[6]. У першай палове 2018 году быў першым брамнікам каманды, але пазьней страціў месца ў складзе.

У лютым 2019 году перайшоў у «Віцебск»^[7][8], дзе быў другім брамнікам пасьля Дзьмітра Гушчанкі. У сьнежні 2019 году кантракт клюбу з брамнікам быў скасаваны^[9]. У студзені 2020 году далучыўся да магілёўскага «Дняпра»^[10]. Быў асноўным брамнікам каманды і дапамог ёй перамагчы ў Другой лізе. У студзені 2021 году падоўжыў кантракт з магілёўскім клюбам^[11]. У сэзоне 2021 году заставаўся асноўным брамнікам каманды. У студзені 2022 году стала вядома, што Жураў застанецца ў «Дняпры» яшчэ на год^[12]. У сэзоне 2022 году ў Найвышэйшай лізе правёў 21 гульню з 30. У студзені 2023 году, не зважаючы на выбыцьцё ў Першую лігу, падоўжыў кантракт з «Дняпром»^[13]. Пакінуў каманду ў чэрвені 2023 году^[14].

Статыстыка

Клюб	Сэзон	Чэмпіянат
		Дывізіён	Матчы	Галы
Дняпро Магілёў	2015	Першая ліга	18	–10
Нёман	2016	Найвышэйшая ліга	2	–0
	2017	Найвышэйшая ліга	19	–19
	2018	Найвышэйшая ліга	13	–19