Юры Амбразевіч

Юры Георгіевіч Амбразевіч^[1] (нар. 1975, Менск, цяпер Беларусь) — беларускі дыплямат.

Юры Амбразевіч
2018 год, Жэнэва
Амбасадар Беларусі ў Ватыкане
27 сакавіка 2025 — цяперашні час
Прэзыдэнт	Аляксандар Лукашэнка
Прэм’ер-міністар	Аляксандар Турчын
Папярэднік	Сяргей Алейнік
Намесьнік міністра замежных справаў Беларусі
10 лютага 2022 — 27 сакавіка 2025
Прэм’ер-міністар	Раман Галоўчанка
Наступнік	Ігар Сякрэта
5-ы прадстаўнік Беларусі пры аддзяленьні ААН у Жэнэве
27 жніўня 2015 — 10 лютага 2022
Прэм’ер-міністар	Андрэй Кабякоў, Сяргей Румас, Раман Галоўчанка
Папярэднік	Міхаіл Хвастоў
Наступнік	Ларыса Бельская
Асабістыя зьвесткі
Нарадзіўся	25 лютага 1975 (50 гадоў) Менск, Беларуская ССР, Савецкі Саюз
Адукацыя	Юрыдычны факультэт БДУ (1997)
Сужэнец	жанаты
Дзеці	двое
Бацька	Георгі Амбразевіч

Трэці амбасадар Беларусі ў Ватыкане (ад 27 сакавіка 2025 году). Па сумяшчальніцтве займаў пасады амбасадара Беларусі пры Мальтыйскім ордэне і прадстаўніка Беларусі пры Харчова-сельскагаспадарчай Арганізацыі Аб'яднаных Нацыяў (Рым) і пры Арганізацыі Аб’яднаных Нацыяў па пытаньнях адукацыі, навукі і культуры (Францыя; ад 22 траўня 2025 году)^[2].

Жыцьцяпіс

У 1997 годзе скончыў з адзнакай юрыдычны факультэт БДУ і паступіў на дыпляматычную службу ў дамоўна-прававую ўправу Міністэрства замежных справаў Беларусі. Затым працаваў у Амбасадзе Беларусі ў Бэльгіі, якая па сумяшчальніцтве служыла амбасадай у Люксэмбургу і прадстаўніцтвам Беларусі пры Арганізацыі Паўночнаатлянтычнай дамовы і Эўразьвязе. У 2012 годзе стаў начальнікам галоўнай управы шматбаковай дыпляматыі МЗС Беларусі. 27 жніўня 2015 году заняў пасаду пастаяннага прадстаўніка Беларусі пры аддзяленьні ААН у Жэнэве (Швайцарыя). 10 лютага 2022 году стаў намесьнікам міністра замежных справаў Беларусі за часам Уладзімера Макея, дзе вёў дзейнасьць пры міжнародных арганізацыях^[3].

21 чэрвеня 2025 году ўручыў даверчыя граматы рымскаму папу Льву XIV^[4].

Валодае беларускай, расейскай, ангельскай і францускай мовамі.