Аляксандр Віталевіч Францаў

Аляксандр Францаў (нар. 28 чэрвеня 1997, Наваполацк) — беларускі футбаліст, абаронца.

Аляксандр Францаў
Поўнае імя	Аляксандр Віталевіч Францаў
Нарадзіўся	28 чэрвеня 1997(1997-06-28)[1] (28 гадоў) Наваполацк, Віцебская вобласць, Беларусь[2]
Грамадзянства	Беларусь
Рост	183 см
Пазіцыя	абаронца
Клубная кар’ера[* 1]
2015—2019 Нафтан (Наваполацк) 9 (0) 2020—2022 Смаргонь 63 (3) 2023 Нафтан (Наваполацк) 12 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 22 сакавіка 2024.

Клубная кар’ера

Выхаванец наваполацкага «Нафтана», з 2015 года пачаў выступаць за дубль клуба. З 2018 года, пасля таго як «Нафтан» выбыў у Першую лігу, стаў прыцягвацца да асноўнай каманды, дзе звычайна зрэдку выхадзіў на замену.

У сакавіку 2020 года перайшоў у «Смаргонь»^[3], дзе неўзабаве замацаваўся ў стартавым складзе. 19 сакавіка 2021 года дэбютаваў у Вышэйшай лізе, калі выйшаў у стартавым складзе ў матчы з «Іслаччу» (0:2) і быў заменены ў другім тайме. У далейшым не меў трывалага месца ў складзе, толькі з верасня 2021 года замацаваўся ў аснове. Застаўся ў «Смаргоні» і ў сезоне 2022, па выніках якога дапамог камандзе вярнуцца ў Вышэйшую лігу.

У студзені 2023 года пакінуў «Смаргонь» і адправіўся на прагляд у «Нафтан»^[4], з якім у лютым падпісаў кантракт^[5]. Па заканчэнні сезона 2023 пакінуў наваполацкі клуб^[6].

Статыстыка выступленняў

Сезон	Дывізіён	Клуб	Краіна	Матчы	Галы
2015	дубль	Нафтан		1	0
2016	дубль	Нафтан		26	0
2017	дубль	Нафтан		26	1
2018	Д2	Нафтан		6	0
2019	Д2	Нафтан		3	0
2020	Д2	Смаргонь		22	0
2021	Д1	Смаргонь		20	1
2022	Д2	Смаргонь		21	2
2023	Д1	Нафтан		12	0

Грамадзянская пазіцыя

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[7].