Аляксандр Генадзевіч Красноў

Аляксандр Красноў (нар. 14 лютага 1998, Жодзіна) — беларускі футбаліст, нападнік гомельскага «Лакаматыва».

Аляксандр Красноў
Поўнае імя	Аляксандр Генадзевіч Красноў
Нарадзіўся	14 лютага 1998(1998-02-14)[1] (27 гадоў) Жодзіна, Мінская вобласць, Беларусь
Грамадзянства	Беларусь
Рост	193 см
Вага	82 кг[2]
Пазіцыя	нападнік
Інфармацыя пра клуб
Клуб	Лакаматыў
Нумар	17
Клубная кар’ера[* 1]
2014—2019 Тарпеда-БелАЗ (Жодзіна) 2 (0) 2018 →  Смалявічы 12 (0) 2019 →  Смалявічы 9 (1) 2020 Смаргонь 6 (0) 2020 Маладзечна 10 (3) 2021 Крумкачы (Мінск) 24 (5) 2022 Макслайн (Рагачоў) 16 (10) 2023 Жодзіна-Паўднёвае 28 (11) 2024— Лакаматыў (Гомель)
Нацыянальная зборная[* 2]
2016—2017 Беларусь (да 19) 6 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 5 красавіка 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 28 мая 2018

Клубная кар’ера

Выхаванец жодзінскага «Тарпеда-БелАЗ», з 2014 года пачаў прыцягвацца да дубліруючага складу, дзе пазней замацаваўся. З 2015 года стаў таксама трапляць у заяўку асноўнай каманды. 21 верасня 2016 года дэбютаваў за «Тарпеда-БелАЗ» у матчы Кубка Беларусі супраць «Віцебска» (2:1), выйшаўшы на замену ў канцы сустрэчы. У 2017 годзе трывала гуляў за дубль і забіў 11 галоў, двойчы выйшаў на поле ў складзе асноўнай каманды ў Кубку Беларусі.

14 красавіка 2018 года дэбютаваў у Вышэйшай лізе ў матчы супраць «Іслачы» (0:0), выйшаўшы на замену ў другім тайме. У жніўні 2018 года быў аддадзены ў арэнду «Смалявічам»^[3], дзе стаў трывала з’яўляцца ў асноўным складзе.

У студзені 2019 года па заканчэнні арэнды зноў стаў трэніравацца з жодзінскай камандай^[4]. У першай палове 2019 года выступаў за дубль «Тарпеда-БелАЗ», а ў ліпені, не маючы практыкі ў асноўнай камандзе, зноў адправіўся ў арэнду ў «Смалявічы»^[5], дзе звыйчайна выхадзіў на замену. У студзені 2020 года вярнуўся ў «Тарпеда-БелАЗ»^[6].

У лютым 2020 года стаў іграком «Смаргоні»^[7]. У жніўні 2020 года перайшоў у «Маладзечна»^[8].

У лютым 2021 года стаў трэніравацца з «Крумкачамі» і неўзабаве падпісаў кантракт з клубам^[9]. У складзе каманды чаргаваў выхады ў стартавым складзе і на замену. У лютым 2022 года па паганенні бакоў разарваў кантракт з «Крумкачамі»^[10] і хутка папоўніў склад рагачоўскага «Макслайна»^[11]. Гуляў пераважна ў стартавым складзе каманды, у верасні і кастрычніку адсутнічаў з-за траўмы.

У сакавіку 2023 года стаў іграком клуба «Жодзіна-Паўднёвае»^[12]. З пачатку 2024 года трэніраваўся з гомельскім «Лакаматывам» і ў красавіку афіцыйна папоўніў склад каманды^[13].

Міжнародная кар’ера

У 2016—2017 гадах гуляў за юніёрскую зборную Беларусі (да 19 гадоў) у кваліфікацыі чэмпіянату Еўропы.

Статыстыка выступленняў

Сезон	Дывізіён	Клуб	Краіна	Матчы	Галы
2014	дубль	Тарпеда-БелАЗ		4	0
2015	дубль	Тарпеда-БелАЗ		21	6
2016	дубль	Тарпеда-БелАЗ		20	9
2017	дубль	Тарпеда-БелАЗ		28	11
2018 (1)	Д1	Тарпеда-БелАЗ		2	0
2018 (2)	Д1	Смалявічы		12	0
2019 (1)	дубль	Тарпеда-БелАЗ		6	2
2019 (2)	Д2	Смалявічы		9	1
2020 (1)	Д2	Смаргонь		6	0
2020 (2)	Д3	Маладзечна		10	3
2021	Д2	Крумкачы		24	5
2022	Д2	Макслайн		16	10
2023	Д2	Жодзіна-Паўднёвае		28	11

Грамадзянская пазіцыя

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[14].