Аляксандр Дзмітрыевіч Скшынецкі

Аляксандр Скшынецкі (нар. 28 лютага 1990, Карэлічы) — беларускі футбаліст, паўабаронца дзяржынскага «Арсенала».

Аляксандр Скшынецкі
Поўнае імя	Аляксандр Дзмітрыевіч Скшынецкі
Нарадзіўся	28 лютага 1990(1990-02-28)[1] (35 гадоў) Карэлічы, Карэліцкі раён, Гродзенская вобласць, Беларуская ССР, СССР[2]
Грамадзянства	Беларусь
Рост	173 см
Вага	74 кг[3]
Пазіцыя	абаронца, паўабаронца
Інфармацыя пра клуб
Клуб	Арсенал
Нумар	51
Клубная кар’ера[* 1]
2007—2011 Партызан (Мінск) 10 (0) 2011 →  Партызан-2 (Мінск) 9 (1) 2012 Смаргонь 22 (1) 2013 Іслач (Мінскі раён) 28 (0) 2014—2017 Крумкачы (Мінск) 109 (2) 2018 Смалявічы 29 (0) 2019 НФК (Мінск) 25 (1) 2020— Арсенал (Дзяржынск) 115 (4)
Нацыянальная зборная[* 2]
2006—2007 Беларусь (да 17) 5 (0) 2008—2009 Беларусь (да 19) 6 (0) 2010—2011 Беларусь (да 20) 10 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 5 снежня 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 10 снежня 2017

Клубная кар’ера

Выхаванец мінскага МТЗ-РІПА (пазней клуб змяніў назву на «Партызан»), з 2007 года пачаў выступаць за дубль. На наступны год пачаў прыцягвацца да асноўнай каманды, аднак за тры сезоны правёў у яе складзе толькі 10 матчаў. Пасля вылету «Партызана» з Вышэйшай лігі па выніках сезона 2010 апынуўся ў фарм-клубе «Партызан-2».

Пасля сезона 2011 «Партызан» спыніў існаванне, і Аляксандр працягнуў выступы ў Першай лізе, гуляючы за «Смаргонь» і «Іслач». У 2014 годзе стаў іграком клуба «Крумкачы», з якім прайшоў шлях ад Другой лігі да Вышэйшай. У сезонах 2016 і 2017 быў асноўным апорным паўабаронцам каманды ў Вышэйшай лізе.

У пачатку 2018 года рыхтаваўся да новага сезона з «Крумкачамі», аднак пасля ўзнікнення ў клуба праблем з атрыманнем ліцэнзіі на ўдзел у Вышэйшай лізе ў сакавіку 2018 года перайшоў у «Смалявічы»^[4]. У сезоне 2018 быў трывалым іграком асновы смалявіцкай каманды.

У студзені 2019 года стаў іграком НФК^[5]. Пакінуў каманду ў студзені 2020 года^[6].

У сакавіку 2020 года папоўніў склад дзяржынскага «Арсенала»^[7], дзе стаў трывалым іграком стартавага складу. У студзені 2021 года стала вядома, што паўабаронца застаецца ў «Арсенале» на наступны сезон^[8]. Па выніках сезона 2021 дапамог «Арсеналу» выйсці ў Вышэйшую лігу, дзе заставаўся іграком асновы ў 2022 годзе.

У пачатку 2023 года трэніраваўся з бабруйскай «Белшынай», аднак у сакавіку падпісаў новы кантракт з дзяржынскім клубам^[9]. Па выніках сезона 2023 дапамог камандзе вярнуцца ў Вышэйшую лігу. У студзені 2024 года падоўжыў пагадненне з «Арсеналам»^[10].

Міжнародная кар’ера

Выступаў за юніёрскую зборную Беларусі. У 2010—2011 гадах правёў 10 матчаў за малодшую моладзевую зборную Беларусі.

Дасягненні

• Пераможца Першай лігі чэмпіянату Беларусі (2): 2021, 2023

Статыстыка выступленняў

Сезон	Дывізіён	Клуб	Краіна	Матчы	Галы
2007	дубль	МТЗ-РІПА		20	0
2008	Д1	МТЗ-РІПА		2	0
2009	Д1	МТЗ-РІПА		5	0
2010	Д1	Партызан		3	0
2011	Д3	Партызан-2		9	1
2012	Д2	Смаргонь		22	1
2013	Д2	Іслач		28	0
2014	Д3	Крумкачы		27	1
2015	Д2	Крумкачы		29	0
2016	Д1	Крумкачы		25	0
2017	Д1	Крумкачы		28	1
2018	Д1	Смалявічы		29	0
2019	Д2	НФК		25	1
2020	Д2	Арсенал		24	0
2021	Д2	Арсенал		32	1
2022	Д1	Арсенал		28	1
2023	Д2	Арсенал		31	2