Васіль Іванавіч Андрыянаў

У Вікіпедыі ёсць артыкулы пра іншых людзей з прозвішчам Андрыянаў.

Васіль Іванавіч Андрыянаў (руск.: Васи́лий Ива́нович Андриа́нов; 13 жніўня 1920 — 7 мая 1999) — савецкі лётчык-штурмавік, двойчы Герой Савецкага Саюза, генерал-маёр авіяцыі.

Васіль Іванавіч Андрыянаў
Род дзейнасці	лётчык
Дата нараджэння	13 жніўня 1920(1920-08-13)[1][2]
Месца нараджэння	Бежацкі павет[d], Цвярская губерня, РСФСР[d]
Дата смерці	7 мая 1999(1999-05-07) (78 гадоў)
Месца смерці	Масква, Расія
Месца пахавання	Траякураўскія могілкі
Грамадзянства	СССР
Альма-матар	Ваенна-паветраная акадэмія імя Ю. А. Гагарына (1950) Ваенная акадэмія Генеральнага штаба Узброеных Сіл Расійскай Федэрацыі (1961)
Партыя	УКП(б)
Прыналежнасць	СССР
Бітвы/войны	Вялікая Айчынная вайна Другая сусветная вайна
Узнагароды і прэміі

Біяграфія

Нарадзіўся 13 жніўня 1920 года ў вёсцы Іванісава Цвярской губерні (цяпер — сяло Бежацкага раёна Цвярской вобласці) у сям’і селяніна. Рускі. Член ВКП(б)/КПСС з 1944 года. Скончыў Смаленскі кааператыўны тэхнікум у 1939 годзе. У Чырвонай арміі з 1940 года. У 1943 годзе скончыў Пермскую ваенную авіяцыйную школу лётчыкаў.

На франтах Вялікай Айчыннай вайны з чэрвеня 1943 года. Першае баявое хрышчэнне атрымаў на Курскай дузе. 24 ліпеня 1943 года ў групе Іл-2 прыняў удзел у штурмоўцы чыгуначнай станцыі Белгарад.

Званне Героя Савецкага Саюза з уручэннем ордэна Леніна і медаля «Залатая Зорка» камандзіру звяна 667-га штурмавага авіяцыйнага палка (292-я штурмавая авіяцыйная дывізія, 1-ы Штурмавы Авіяцыйны Корпус, 5-я паветраная армія, прысвоена 1 ліпеня 1943 года за 87 вылетаў на штурмоўку войскаў суперніка ў баях за Белгарад, Харкаў, на палтаўскім і кіраваградскім кірунках.

Другім медалём «Залатая Зорка» камандзір эскадрыллі 141-га гвардзейскага штурмавага авіяцыйнага палка ўзнагароджаны 27 чэрвеня 1945 года за 90 вылетаў у баях пад Львовам, на сандамірскім плацдарме (Польшча) і на іншых рубяжах.

Вайну скончыў у Берліне. Агулам за час вайны здзейсніў 177 баявых вылетаў. Асабіста знішчыў 50 танкаў, 200 аўтамашын, 25 зенітна-артылерыйскіх батарэй, 13 складоў і шмат іншай тэхнікі саперніка, у 37 паветраных баях збіў 6 варожых самалётаў.

У 1950 годзе скончыў Ваенна-паветраную акадэмію, у 1961 годзе — Ваенную акадэмію Генштаба. Генерал-маёр авіяцыі (1971). Да 1981 года на выкладчыцкай рабоце ў Ваеннай акадэміі Генштаба.

Памёр 7 траўня 1999 гады. Пахаваны ў Маскве на Траекураўскіх могілках.

Зноскі

1. Андрианов Василий Иванович // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 27 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
2. Vasily Ivanovich Andrianov // TracesOfWar

   <a href='https://wikidata.org/wiki/Track:Q98839586'></a>