Вуліца Серафімовіча (Мінск)

Вуліца Серафімовіча — вуліца ў Ленінскім раёне Мінска. Названа ў гонар Аляксандра Серафімовіча, рускага савецкага пісьменніка, лаўрэата Сталінскай прэміі першай ступені (1943). У 1930-х гг. разам з вуліцай Пуліхава была часткай Фрунзенскай вуліцы^[1][2].

Вуліца Серафімовіча Мінск
Агульная інфармацыя
Краіна	Беларусь
Горад	Мінск
Раён	Ленінскі
Найбліжэйшыя станцыі метро	Пралетарская
Назва ў гонар	Аляксандра Серафімовіча
Навучальныя ўстановы	Інстытут прадпрымальніцкай дзейнасці
Медыяфайлы на Вікісховішчы

Від на вул. Серафімовіча з боку станцыі Мінск-Усходні

Рэканструкцыя Серафімовіча, д. 19 пад патрэбы Каталіцкай абшчыны. Від з боку двара жылога д.21

Від на двор Серафімовіча 13 і цотны бок усёй вуліцы

Апісанне

Пачынаецца ад скрыжавання з вуліцай Судмаліса побач з станцыяй метро «Пралетарская» і чыгуначнай станцыяй «Мінск-Усходні» і цягнецца ў бок Партызанскага праспекта, пераходзячы ў Рабочы завулак.

Славутасці і цікавыя факты

Інстытут прадпрымальніцкай дзейнасці

• № 11 (раней вуліца Судмаліса, 20) — будынак Інстытута прадпрымальніцкай дзейнасці (1977; архітэктары Э. Зубялевіч, У. Старчанка). Узведзены як лабараторны корпус^[d] Праектна-канструктарскага бюро Мінсельбуда БССР^[d][3].
• Побач з вуліцай знаходзіцца буйны транспартны вузел: аўтобусны парк, станцыя метро Пралетарская, чыгуначная станцыя «Мінск-Усходні».
• Няцотны бок вуліцы пачынаецца з дома № 11, а цотны — з № 2.
• Архітэктура вуліцы спалучае сучасныя шматпавярховыя дамы, 4-павярховыя панэльныя дамы пасляваенных часоў, індывідуальную забудову. Ідзе тэндэнцыя пераўтварэння прыватных кватэр 4-павярховых «сталінак» у офісы^[4].
• Дом № 19 быў будынкам школы, а цяпер там дзейнічае Хрысціянскі сацыяльны цэнтр Каталіцкай царквы, дзе на беларускай мове праводзіцца навучанне дзяцей розным ведам і навыкам узроўня дзіцячага сада і школы^[5].

Спасылкі

• На Вікісховішчы ёсць медыяфайлы па тэме Вуліца Серафімовіча (Мінск)

Зноскі

1. Нечаканы шкілет у шафе 2-х вуліц Мінска // Блог Андрэя Берастоўскага
2. У атласе "Улицы Минска. План города, справочник" (под ред. И. Чумак и др. 18-е издание, Минск "Квадрограф", 2020) на старонцы 84 памылкова сцвярджаецца, што да 1953 г. вуліца Серафімовіча мела назву "Іванаўскай"
3. Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
4. Вул. Серафімовіча. Маленькі бізнес-цэнтр Мінска ў старой частцы горада (Блог Андрэя Берастоўскага)
5. «Гэта нешта новае для Беларусі». Як працуе хрысьціянскі цэнтар, дзе гадуюць беларускую эліту // Радыё Свабода