Чырвоная Слабада (Салігорскі раён)

У паняцця ёсць і іншыя значэнні, гл. Чырвоная Слабада.

Чырво́ная Слабада́^[2] (трансліт.: Čyrvonaja Slabada, руск.: Красная Слобода, да 1923 года — Вы́зна) — гарадскі пасёлак у Салігорскім раёне Мінскай вобласці Беларусі. Уваходзіць у склад Чырвонаслабодскага сельсавета.

Гарадскі пасёлак Чырвоная Слабада Герб Краіна Беларусь Вобласць Мінская Раён Салігорскі Сельсавет Чырвонаслабодскі Каардынаты 52°51′ пн. ш. 27°09′ у. д.HGЯO Першая згадка XVI стагоддзе Ранейшыя назвы Вызна Гарадскі пасёлак з 1938 Вышыня цэнтра 156 м Насельніцтва ▼3 960 чал. (1 студзеня 2025)[1] Часавы пояс UTC+3 Тэлефонны код +375 1710 Паштовы індэкс 223723 Аўтамабільны код 5 СААТА 6250857905 Чырвоная Слабада на карце Беларусі ±

Чырвоная Слабада на Вікісховішчы

Знаходзіцца на рацэ Вызенка непадалёк ад Чырвонаслабодскага вадасховішча, за 30 км у напрамку на паўночны захад ад горада Салігорска і чыгуначнай станцыі Салігорск, за 163 км ад Мінска^[3]. Аўтамабільнымі дарогамі злучаная з Лунінцам, Слуцкам, Салігорскам.

Гісторыя

Вядома як вёска Вызна Слуцкага княства Вялікага Княства Літоўскага, затым мястэчка, належала Алелькавічам, з 1612 года — Радзівілам, з 1793 года — Вітгенштэйнам, пазней Гогенлоэ.

З 1793 года ў складзе Расійскай імперыі, мястэчка, цэнтр Вызненскай воласці Слуцкага павета. У 1897 годзе дзейнічалі народнае вучылішча, пачатковая школа, бальніца, царква, капліца.

3 студзеня 1923 года пераназваная ў Чырвоную (Красную) Слабаду. У 1924—1959 гадах — цэнтр Чырвонаслабодскага раёна. З 1938 года — гарадскі пасёлак. З 27 чэрвеня 1941 па 30 чэрвеня 1944 года Чырвоная Слабада знаходзілася пад нямецкай акупацыяй^[3]. Акупанты знішчылі тут 420 жыхароў^[3]. З 1959 года пасёлак у Старобінскім, з 1962 года — у Любанскім, з 1965 года — у Салігорскім раёне.

Насельніцтва

• 1897 год — 1593^[3] чал.
• 1995 год — 5,1 тыс. чал.^[4]
• 2002 год — 4985^[3] чал.
• 2006 год — 4,7 тыс. чал.
• 2008 год — 4,7 тыс. чал.
• 2016 год — 3909 чал.^[5]
• 2017 год — 3898 чал.^[6]

Эканоміка

Прадпрыемствы харчовай, лясной і дрэваапрацоўчай прамысловасці.

Славутасці

Мікалаеўская царква ў 1925 годзе

• Брацкая магіла савецкіх воінаў і партызан
• Магіла ахвяр фашызму.
• Свята-Мікалаеўская царква (1997)

Страчаная спадчына:

• Свята-Мікалаеўская царква — згарэла ў 1877 годзе, адбудавана ў 1897 годзе, зруйнавана ў 1937 годзе^[3].

Вядомыя асобы

• Фёдар Герасімавіч Будзько (1914—2002) — беларускі паэт, журналіст, партызан.
• Браніслаў Залескі (1820—1880) — мастак, літаратар.
• Аляксандр Міхайлавіч Кароль (нар. 1960) — беларускі дыпламат.
• Мікалай Трафімавіч Чадовіч (1948—2011) — беларускі пісьменнік-фантаст.

Гл. таксама

• Пасёлкі гарадскога тыпу Мінскай вобласці
• Пасёлкі гарадскога тыпу Беларусі