Віктар Ільіч Лівенцаў

Ві́ктар Ільі́ч Лі́венцаў (21 красавіка 1918(1918-04-21), Давыдаўка, Варонежская губерня — 28 верасня 2009(2009-09-28), Мінск) — беларускі дзяржаўны дзеяч, савецкі партызан, Герой Савецкага Саюза (1944).

Віктар Ільіч Лівенцаў
Кіраўнік справамі ЦК КПБ 1976 — 1986
Старшыня Камітэта па фізічнай культуры і спорце пры Савеце міністраў БССР 1958 — 1978
Кіраўнік урада	Мікалай Аўхімовіч Ціхан Кісялёў
Пераемнік	Валянцін Сазановіч
Нараджэнне	21 красавіка 1918(1918-04-21) Давыдаўка, Каратаякскі павет[d], Варонежская губерня, РСФСР[d]
Смерць	28 верасня 2009(2009-09-28) (91 год) Мінск, Беларусь
Месца пахавання	Усходнія могілкі
Адукацыя	БДПУ
Ваенная служба
Гады службы	1938—1943
Род войскаў	кавалерыя, пяхота (1938—1941); партызан
Званне	Палкоўнік
Бітвы	Паход Чырвонай Арміі ў Заходнюю Беларусь і Украіну, 1939 савецка-фінляндская вайна Вялікая Айчынная вайна
Узнагароды	Ордэн «За службу Радзіме» III ступені Медаль «За працоўную адзнаку» Медаль «У азнаменаванне 100-годдзя з дня нараджэння Уладзіміра Ільіча Леніна» Медаль «Партызану Айчыннай вайны» II ступені Юбілейны медаль «Сорак гадоў перамогі ў Вялікай Айчыннай вайне 1941—1945 гг.» Юбілейны медаль «50 год Перамогі ў Вялікай Айчыннай вайне 1941—1945 гг.» Юбілейны медаль «60 год вызвалення Рэспублікі Беларусь ад нямецка-фашысцкіх захопнікаў» Медаль «60 гадоў Перамогі ў Вялікай Айчыннай вайне 1941—1945 гг.» Медаль «65 гадоў вызвалення Рэспублікі Беларусь ад нямецка-фашысцкіх захопнікаў» Медаль Жукава Медаль «За доблесную працу ў Вялікай Айчыннай вайне 1941-1945 гг.» Медаль «Ветэран працы» Юбілейны медаль «30 гадоў Савецкай Арміі і Флоту» Медаль «40 гадоў Узброеных Сіл СССР» Медаль «50 гадоў Узброеных Сіл СССР» Медаль «60 гадоў Узброеных Сіл СССР» Медаль «70 гадоў Узброеных Сіл СССР»

Удзельнік абарончых баёў у Беларусі ў 1941 годзе і партызанскага руху ў Беларусі ў 1941—1943 гадах. Старшыня Камітэта па фізічнай культуры і спорце пры Савеце міністраў БССР (1958—1978), дэпутат Вярхоўнага Савета БССР 5 — 10 скліканняў.

Біяграфія

Нарадзіўся 21 красавіка 1918 года ў вёсцы Давыдаўка (цяпер — пасёлак гарадскога тыпу ў Ліскінскім раёне Варонежскай вобласці).

• 1937 год — скончыў 2 курса Варонежскага педагагічнага інстытута.
• 1937—1938 — настаўнік сярэдняй школы г. Свабода (цяпер — Ліскі).
• 1938—1939 — служба ў 20-м кавалерыйскім палку 4-й кавалерыйскай дывізіі, затым — у 37-м стралковым палку 56-й стралковай дывізіі намеснікам палітрука палкавой батарэі.
• 1939 — удзел у паходзе ў Заходнюю Беларусь.
• 1939—1940 — удзельнік савецка-фінскай вайны на пасадзе палітрука мінамётнай роты.
• 1941 — скончыў Гродзенскае ваенна-палітычнае вучылішча.
• 1941 — з першага дня вайны ўдзельнічаў у абарончых баях на тэрыторыі сучасных Гарадзенскай і Брэсцкай абласцей. Апынуўшыся ў акружэнні, у акупаваным г. Бабруйску стварыў падпольную групу, а затым буйны партызанскі атрад (752-й), стаўшы яго камандзірам.
• 1943 — атрад Лівенцава загадам Цэнтральнага штаба партызанскага руху быў ператвораны ў 1-ю Бабруйскую партызанскую брыгаду, якая дзейнічала на тэрыторыі сучасных Магілёўскай і Гомельскай абласцей Беларусі. 25 снежня 1943 года каля пасёлка Парычы партызаны сустрэліся з савецкай ваеннай разведкай, затым брыгада некалькі дзён трымала абарону на ўчастку фронту.
• 1944—1950 — сакратар, другі сакратар ЦК ЛКСМ Беларусі.
• 1952 — скончыў партыйную школу пры ЦК КПБ.
• 1955 — скончыў Мінскі педагагічны інстытут імя М. Горкага.
• 1958—1978 — старшыня Камітэта па фізічнай культуры і спорце пры Савеце міністраў БССР.
• 1978—1986 — кіраўнік справамі ЦК КПБ.

Абіраўся кандыдатам у члены ЦК КПБ, на XXIV з’ездзе — членам ЦК КПБ. Заслужаны дзеяч фізічнай культуры Беларускай ССР, ганаровы грамадзянін г. Бабруйска Магілёўскай вобласці Беларусі (1984).

Памёр 28 верасня 2009 года. Пахаваны ў Мінску на Усходніх могілках.

Узнагароды

• Медаль «Залатая Зорка» — 1 студзеня 1944 года (медаль № 2631)^[1].
• Ордэн Леніна (двойчы).
• Ордэн Чырвонага Сцяга (двойчы).
• Ордэн Айчыннай вайны I ступені (двойчы).
• Ордэн Працоўнага Чырвонага Сцяга.
• Ордэн Дружбы народаў.
• Ордэн Чырвонай Зоркі.
• Ордэн «За службу Радзіме ва Узброеных Сілах СССР» III ступені.
• Ордэн «Знак Пашаны».
• Ордэн «За службу Радзіме» III ступені (Беларусь).
• Медалі.

Аўтар кнігі

• Партизанский край. 1983.

Ушанаванне памяці

• Імем Героя названы вуліцы ў Мінску і ў Бабруйску.

Зноскі

1. Указ Президиума Верховного Совета СССР «О присвоении звания Героя Советского Союза белорусским партизанам» от 1 января 1944 года // Ведомости Верховного Совета Союза Советских Социалистических Республик : газета. — 1944. — 6 января (№ 1 (261)). — С. 1