Дабееўскае

Дабе́еўскае — возера ў Шумілінскім раёне Віцебскай вобласці ў басейне ракі Сечна, (выцякае з возера), за 7 км на паўднёвы захад ад гарадскога пасёлка Шуміліна, каля вёсак Дабея, Ільінцы, Смяшкова.

Дабееўскае
Морфаметрыя
Вышыня над узроўнем мора	138,7 м
Даўжыня	2,22 км
Шырыня	1,35 км
Плошча	2,31 км²
Аб’ём	0,00165 км³
Даўжыня берагавой лініі	6,3 км
Найбольшая глыбіня	3,6 м
Сярэдняя глыбіня	7 м
Гідралогія
Тып мінералізацыі	прэснае
Салёнасць	да 0,14 ‰
Басейн
Плошча вадазбору	32 км²
Упадаюць	ручаі. каналы
Выцякаюць	рака Сечна
Размяшчэнне
Краіна	Беларусь
Рэгіён	Віцебская вобласць
Дабееўскае
Дабееўскае

Плошча паверхні 2,31 км². Найбольшая глыбіня 3,6 м, сярэдняя 0,7 м. Даўжыня 2,22 км, найбольшая шырыня 1,35 км. Даўжыня берагавой лініі 6,3 км. Аб'ём вады 1,65 млн. м³. Плошча вадазбору 32 км².
Катлавіна возера рэшткавага тыпу. Схілы катлавіны невыразныя, на ўсходзе дасягаюць вышыні 4—5 м. Берагавая лінія слабазвілістая. Берагі сплавінныя. Дно плоскае, сапрапелістае. Возера слабапраточнае, дыстрофнае. Злучана ручаём з азёрамі Круглік, Мошна і Зыскаўскае. Моцна зарастае. Сярод расліннасці: рдзесты, шышняк, харавыя водарасці.

У возеры водзяцца шчупак, карась, лінь, акунь, плотка, гусцяра, краснапёрка і іншыя віды рыб.

Узровень вады ў возеры паніжаны на 1 метр у мэтах здабычы сапрапелю (Дабееўскае радовішча сапрапелю аб'ёмам 11,9 млн. м³)^[1].

Зноскі

1. Рачэўскі А. М. Дабееўскае возера // Энцыклапедыя прыроды Беларусі. У 5-і т. Т.2 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 2. — 522 с. — 10 000 экз.