Кабёлка

Кабёлка^[1] (трансліт.: Kabiolka, руск.: Кобёлка) — вёска ў Брэсцкім раёне Брэсцкай вобласці Беларусі. Уваходзіць у склад Дамачаўскага сельсавета. Размешчана за 52 км на поўдзень ад Брэста, за 9 км ад чыгуначнай станцыі Дубіца, на аўтадарозе Брэст — Тамашоўка.

Вёска Кабёлка Краіна Беларусь Вобласць Брэсцкая Раён Брэсцкі Сельсавет Дамачаўскі Каардынаты 51°44′38″ пн. ш. 23°37′50″ у. д.HGЯO Насельніцтва 214 чалавек (2005) Часавы пояс UTC+3 Тэлефонны код +375 162 Паштовыя індэксы 225008 Аўтамабільны код 1 СААТА 1212805036 Кабёлка Кабёлка Кабёлка

Кабёлка на Вікісховішчы

У складзе адкрытага акцыянернага таварыства «Брэстрайаграсэрвіс» (цэнтр — г.п. Дамачава).

Гісторыя

Паводле пісьмовых крыніц вядома з XV стагоддзя як сяло — шляхецкая ўласнасць у Берасцейскім павеце Троцкага ваяводства Вялікага Княства Літоўскага. Размяшчалася на дарозе Камароўка — Бярэсце.

У XIX стагоддзі вёска ў Брэсцкім павеце Гродзенскай губерні, у складзе маёнтка Дамачава. Паводле рэвізскіх матэрыялаў 1858 года ўладанне князя Вітгенштэйна. У 1878 годзе вёска з’яўлялася цэнтрам сельскай грамады, адносілася да Дамачаўскай воласці. У 1890 годзе працавала царкоўна-прыходская школа. У 1897 годзе дзейнічала школа граматы.

Паводле Рыжскага мірнага дагавора 1921 года ў складзе Польскай Рэспублікі, у Дамачаўскай гміне Брэсцкага павета Палескага ваяводства.

З 1939 года ў складзе БССР.

Да 1957 года ў складзе Ляплёўскага сельсавета^[2], пасля — у складзе Дамачаўскага пассавета.

Насельніцтва

• 235 сялянскіх душ (1858)
• 113 двароў, 591 жыхар (1878)
• 83 двары, 451 жыхар (1897)
• 452 жыхары (1905)
• 46 двароў, 257 жыхароў (1921)
• 454 жыхары (1970)
• 97 гаспадарак, 214 жыхароў (2005)

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU). Сустракаецца таксама варыянт Кубэ́лка, Кабы́лкі, мн.
2. Решение Исполнительного комитета Брестского областного Совета народных депутатов от 3 июня 1957 г. № 344 О частичном изменении в административно-территориальном делении сельских Советов Брестского и Пинского районов и Домачевского поселкового Совета Брестского района (нявызн.)(недаступная спасылка). Архівавана з першакрыніцы 29 лістапада 2018. Праверана 6 кастрычніка 2018.