Казялец даўгалісты

Казялец даўгалісты^[1] (Ranunculus lingua) — від раслін роду Казялец (Ranunculus) сямейства Казяльцовыя (Ranunculaceae).

Казялец даўгалісты
Агульны выгляд расліны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Казяльцовакветныя Сямейства:  Казяльцовыя Падсямейства:  Казяльцовыя Трыба:  Ranunculeae Род:  Казялец Від:  Казялец даўгалісты
Міжнародная навуковая назва
Ranunculus lingua L., Sp. Pl. 1: 549, 1753
Сінонімы
Flammula lingua (L.) Fourr., 1868 Ranunculus lingua var. hirsutus N.H.F.Desp., 1838 Ranunculus longifolius Lam., 1779
Ахоўны статус
Выклікаюць найменшыя асцярогі IUCN 3.1 Least Concern : / 175245
Сістэматыка на Віківідах Выявы на Вікісховішчы NCBI   105186 EOL   2873910 GRIN   t:406634 IPNI   713102-1 TPL   kew-2526473

Назва

Казялец даўгалісты, казялец балотны, казялец вялікі^[2][3].

Батанічнае апісанне

Расліна можа дасягаць да 1,5 м у вышыню, мае цёмна-зялёнае сцябло і лінейна-ланцэтнае, доўгае лісце. Цвіце ў пачатку — сярэдзіне лета. На вяршыні прамога моцнага сцябла расцвітаюць адзінкавыя, даволі буйныя — да 4 см у дыяметры, залаціста-жоўтыя кветкі. Плод — зборны арэшак да 2 см у дыяметры.

Расліна ядавітая^[4].

Распаўсюджанне

Гэты від можна сустрэць у зарасніках прыбярэжна-водных раслін каля вадаёмаў, на балотах. Распаўсюджаны не дастаткова шырока, таму трапляе на вочы рэдка. У некаторых раёнах Украіны занесены ў рэгіянальныя спісы рэдкіх раслін (Данецкай, Днепрапятроўскай, Закарпацкай, Луганскай, Харкаўскай, Хмяльніцкай абласцей^[4]). Ахоўваецца на тэрыторыі Арменіі і шэрагу рэгіёнаў Расіі^[4].

Святлолюбівая расліна, гіграфіт, гідрафіт, мезатроф, эўтроф^[4].

Таксанамія

яшчэ 9 сямействаў (па Сістэме APG II), у тым ліку Макавыя

яшчэ каля 400 відаў

парадак Казяльцовакветныя

род Казялец

аддзел Кветкавыя, ці Пакрытанасенныя

сямейства Казяльцовыя

від Казялец даўгалісты

яшчэ 44 парадка кветкавых раслін (па Сістэме APG II)

яшчэ каля 50 родаў

Батанічная ілюстрацыя Якаба Штурма з кнігі «Deutschlands Flora in Abbildungen», 1796

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 109. — 160 с. — 2 350 экз.
2. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. — Горы-Горкі, 1927/
3. Чоловский К. Опыт описания Могилевской губернии. По программе и под редакцией А. С. Дембовецкого, кн. I. — Могілев.
4. Лютик длиннолистный: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)