Караль Рыпінскі

У Вікіпедыі ёсць артыкулы пра іншых людзей з прозвішчам Рыпінскі.

Караль Рыпінскі (польск.: Karol Rypiński, літ.: Karolis Ripinskis; 5 лістапада 1809 — 22 ліпеня 1892, Вільня) — польскі і літоўскі мастак-партрэтыст і гравёр.

Караль Рыпінскі
польск.: Karol Rypiński
Дата нараджэння	5 лістапада 1809(1809-11-05)[1]
Месца нараджэння	Ажаняі, Казіцішкіская сянюнія[d], Ігналінскі раён, Літва
Дата смерці	22 ліпеня 1892(1892-07-22)[1] (82 гады)
Месца смерці	Вільня, Віленскі павет, Віленская губерня, Расійская імперыя
Род дзейнасці	мастак
Жанр	гістарычны жывапіс, партрэт і рэлігійны жывапіс[d]
Вучоба	Віленскі ўніверсітэт
Уплыў	Ян Рустэм і Вінцэнт Смакоўскі
Медыяфайлы на Вікісховішчы

Біяграфія

Вучыўся ў Віленскім універсітэце ў Яна Рустэма і Вінцэнта Смакоўскага. Сябраваў з мастаком Валянцінам Ваньковічам. Жыў у Вільні, даваў прыватныя ўрокі мастацтва і працаваў настаўнікам у адной з гімназій^[2].

Творчасць

Па заканчэнні навучання займаўся стварэннем партрэтаў знаных важных для культуры асоб Віленшчыны, між іншым Юзафа Крашэўскага, Станіслава Манюшкі, Лявона Бароўскага, біскупа Анджэя Бенедыкта Клангевіча, Станіслава Юндзіла і Анджэя Снядзецкага. У супрацоўніцтве з літографамі Юзафам Азямблоўскім і Мацеем Пшыбыльскім партрэты былі распаўсюджаныя вялікімі накладамі.

Таксама ствараў гістарычныя палотны, у тым ліку «Сустрэча Біруты з Кейстутам», ілюстраваў кнігі, між іншым «Гісторыю горада Вільні» Міхала Балінскага. Намаляваў рэлігійныя палотны для касцёлаў баніфратраў і бернардзінаў.

Даваў урокі жывапісу і малюнка. Сярод вучняў — Эдвард Паўловіч.

• 
  Партрэт Яна Непамуцэна Касакоўскага
• 
  Партрэт Яна Баршчэўскага
• 
  Партрэт Ігната Манкевіча

Зноскі

1. Karol Rypiński // Internetowy Polski Słownik Biograficzny

   <a href='https://wikidata.org/wiki/Track:Q96022943'></a>
2. Rypiński, Karol (мастак ; 1808—1892) (польская мова)