Карбатоўка

Карбато́ўка^[1] (трансліт.: Karbatoŭka, руск.: Карбатовка) — вёска ў Шклоўскім раёне Магілёўскай вобласці. Уваходзіць у склад Старашклоўскага сельсавета.

Вёска Карбатоўка Краіна Беларусь Вобласць Магілёўская Раён Шклоўскі Сельсавет Старашклоўскі Каардынаты 54°07′57″ пн. ш. 30°00′43″ у. д.HGЯO Насельніцтва ▼7 чал. (2009) Часавы пояс UTC+3 Тэлефонны код +375 2239 Аўтамабільны код 6 СААТА 7258828073 Карбатоўка на карце Беларусі ±

Да 2013 года вёска ўваходзіла ў склад Чарнаруцкага сельсавета^[2].

Назва

Назва Карбатоўка адыменнага (антрапанімічнага) паходжання, ад балцка-літоўскага двухасноўнага імені Kar-but’as (Kar-i-but’as).^{[крыніца?]}

Гэтае імя складаецца з дзвюх асноў: Kar- ад karas «вайна», і But- ад butas «жытло, дом»^[3]. Імя адлюстроўвае этычныя каштоўнасці старалітоўскага ваяра.

Абапал ад Карбатоўкі, на поўначы і поўдні, адыменныя тапонімы Рамшына, Супшынка, ад аднаасноўных імёнаў тыпу Ramšys, Supšys.^{[крыніца?]}

Гэтыя тапонімы працягваюць паласу з адыменных тапонімаў, што ідзе на Бялынічы ад Талачына (а перад ім — ад Сянна і Бешанковічаў): Людвінаў, Эсьмоны, Боўсевічы, Пупса, Варгуццева, Гірымшчына, Табараўшчына (ад імёнаў тыпу Liud-vin’as, Eis-mant’as, Bausys, Pupsys, Vargutis, Gi-rim’as, Ta-bar’as).^{[крыніца?]}

Узнікненне ўсіх гэтых тапонімаў можа адносіцца да XV стагоддзя, калі пры вялікім князю Казіміры на ўсходзе і поўдні з мэтай змацавання дзяржавы рассяляліся літоўскія баяры, збольшага з тэрыторый цяперашняй Беларусі, прылеглых да сучаснай літоўскай мяжы^[4].