Рамшына (Шклоўскі раён)

У паняцця ёсць і іншыя значэнні, гл. Рамшына.

Ра́мшына^[1] (трансліт.: Ramšyna, руск.: Рамшино) — вёска ў Шклоўскім раёне Магілёўскай вобласці. Уваходзіць у склад Старашклоўскага сельсавета.

Вёска Рамшына Краіна Беларусь Вобласць Магілёўская Раён Шклоўскі Сельсавет Старашклоўскі Каардынаты 54°11′59″ пн. ш. 29°58′53″ у. д.HGЯO Насельніцтва ▼22 чал. (2009) Часавы пояс UTC+3 Тэлефонны код +375 2239 Аўтамабільны код 6 СААТА 7258828114 Рамшына Рамшына

Да 2013 года вёска ўваходзіла ў склад Чарнаруцкага сельсавета^[2].

Назва

Назва Рамшына адыменнага (антрапанімічнага) паходжання, ад балцка-літоўскага імені Ramšys. Яно ўтворанае ад асновы Ram- (< літоўскае ramus «спакойны») і антрапанімічнага пашыральніка -š-.^{[крыніца?]}

Тут сама на поўдні ад Рамшына адыменныя тапонімы Карбатоўка, Супшынка, ад аднаасноўных імёнаў тыпу Kar-but-as, Supšys.^{[крыніца?]}

Гэтыя тапонімы працягваюць паласу з адыменных тапонімаў, што ідзе на Бялынічы ад Талачына (а перад ім — ад Сянна і Бешанковічаў): Людвінаў, Эсьмоны, Боўсевічы, Пупса, Варгуццева, Гірымшчына, Табараўшчына (ад імёнаў тыпу Liud-vin’as, Eis-mant’as, Bausys, Pupsys, Vargutis, Gi-rim’as, Ta-bar’as).^{[крыніца?]}

Узнікненне ўсіх гэтых тапонімаў можа адносіцца да XV стагоддзя, калі пры вялікім князю літоўскім Казіміры на ўсходзе і поўдні з мэтай змацавання дзяржавы рассяляліся літоўскія баяры, збольшага з тэрыторый цяперашняй Беларусі, прылеглых да сучаснай літоўскай мяжы^[3].

Іншае Рамшына, такога ж паходжання і ў такім жа тапанімічным акружэнні, — паміж Сянном і Віцебскам.^{[крыніца?]}

Вядомыя асобы

• Сяргей Аляксандравіч Рынкевіч (1886—1955) — савецкі інжынер-электрык.
• Браніслаў Алегавіч Галяшэвіч (нар. 1960) — беларускі педагог, спецыяліст у галіне агульнай і музычнай педагогікі. Доктар педагагічных навук (2012), дацэнт (2004).