Кечкемет

Ке́чкемет (венг.: Kecskemét) — горад у цэнтральнай частцы Венгрыі, у рэгіёне Паўднёвы Альфёльд, адміністрацыйны цэнтр медзье Бач-Кішкун. Восьмы па велічыні горад краіны, насельніцтва — 114 226 чалавек (2012).

Горад Кечкемет венг.: Kecskemét Герб Сцяг Краіна  Венгрыя Медзье Бач-Кішкун Каардынаты 46°54′25″ пн. ш. 19°41′36″ у. д.HGЯO Мэр Klaudia Szemerey-Pataki[d][1][2][…] Плошча 32,14 км² Вышыня НУМ 122 м Насельніцтва 114 226 чалавек (2012) Часавы пояс UTC+1, летам UTC+2 Тэлефонны код (+36)76 Паштовы індэкс 6000 Афіцыйны сайт kecskemet.hu (венг.) Кечкемет на карце Венгрыі

Медыяфайлы на Вікісховішчы

Геаграфія і транспарт

Кечкемет знаходзіцца ў 86 кіламетрах на паўднёвы ўсход ад Будапешта і на такой жа адлегласці на паўночны захад ад Сегеда. Праз горад праходзіць аўтамагістраль Будапешт — Кечкемет — Сегед, іншыя дарогі ідуць на захад да Шольта і на ўсход, у бок Кунсентмартана і Бекешчабы. У горадзе ёсць чыгуначная станцыя, час у дарозе на цягніку ад Будапешта — 1 г. 20 хвіл.

Этымалогія

Назва горада ўтворана ад венгерскага слова венг.: kecske (казёл) і адлюстроўвае даўнія жывёлагадоўчыя традыцыі рэгіёна. Казёл намаляваны таксама на гербе горада.

Гісторыя

Старажытнае паселішча, якое існавала на месцы Кечкемета, было цалкам знішчана нашэсцем манголаў у XIII стагоддзі. Аднак дзякуючы выгоднаму геаграфічнаму становішчу на скрыжаванні гандлёвых шляхоў Кечкемет хутка быў адноўлены, у 1348 годзе кароль Людовік I Вялікі дараваў яму права горада.

У XVI—XVII стст. горад, як і ўся Цэнтральная Венгрыя, падпаў пад уладу Асманскай імперыі, аднак Кечкемет карыстаўся прывілеем плаціць падаткі непасрэдна будайскаму пашы, дзякуючы чаму знаходзіўся пад яго заступніцтвам і пазбег разбурэнняў і татальных рабаванняў.

Ратуша і Вялікая царква на галоўнай плошчы горада

У XVIII стагоддзі ў наваколлях горада інтэнсіўна развівалася жывёлагадоўля, у XIX стагоддзі яго пачатак выцясняць вінаградарства і садаводства. Да канца XIX стагоддзя Кечкемет ператварыўся ў найважнейшы гандлёвы цэнтр рэгіёна. Рост дабрабыту горада прыкметна адбіўся на яго абліччы, тут былі пабудаваны некалькі раскошных палацаў у стылі ар-нуво, новая ратуша, царква і калегіум ордэна піяраў і іншыя выдатныя будынкі.

Пасля Другой сусветнай вайны ў горадзе было пабудавана некалькі індустрыяльных прадпрыемстваў, у 1950 годзе Кечкемет стаў сталіцай самага вялікага па плошчы венгерскага медзье Бач-Кішкун. У 1975 годзе некранутыя стэпавыя тэрыторыі побач з горадам быў аб’яднаны ў нацыянальны парк Кішкуншаг.

Славутасці

• Гарадская ратуша
• Гарадскі сабор
• Каталіцкая царква Св. Міклаша
• Лютэранская царква
• Калегіум і касцёл піяраў
• Сінагога
• Палац «Cifra Palota» (літаральна «Упрыгожаны палац»)
• Гарадскі тэатр

Спорт

У горадзе ёсць вядомы аднайменны футбольны клуб «Кечкемет», які выступае ў вышэйшай лізе чэмпіянату Венгрыі. Клуб вядзе сваю гісторыю з 1911 года, з’яўляецца ўладальнікам Кубка Венгрыі. 11 чэрвеня 2011 у горадзе, на стадыёне «Сектаі», які ўмяшчае 6300 гледачоў, прайшло свята ў гонар стагоддзя клуба.

Насельніцтва

Год Колькасць 2013 111 863 [3] 2014 112 071 [4] Год Колькасць 2015 111 836 [5] 2021 109 651 [6] Год Колькасць 2022 108 120 [7] 2023 109 731 [8] Год Колькасць 2024 109 450 [9]

Гарады-пабрацімы

Памылка Lua: not enough memory.

Цікавая інфармацыя

Кечкемет шырока вядомы ў краіне і за мяжой як сталіца вытворчасці знакамітай абрыкосавай палінкі (венг.: barack palinka). Акрамя ўжывання ў якасці алкагольнага напоя, кечкемецкая палінка выкарыстоўваецца для падрыхтоўкі дэсертаў і кактэйляў. Вельмі любіў гэты напой кароль Англіі Эдуард VIII^[10].

Зноскі

1. Mától Szemereyné Pataki Klaudia Kecskemét polgármestere — 2014. Праверана 28 сакавіка 2019.
2. Kecskemét települési választás eredményei — National Election Office, 2014. Праверана 29 сакавіка 2019.

   <a href='https://wikidata.org/wiki/Track:Q30559937'></a>
3. Magyarország közigazgatási helynévkönyve, 2013. január 1., Gazetteer of Hungary, 1st January 2013 — KSH, 2013. Праверана 13 студзеня 2014.

   <a href='https://wikidata.org/wiki/Track:Q1125966'></a>
4. Magyarország közigazgatási helynévkönyve, 2014. január 1., Gazetteer of Hungary, 1st January 2014 — KSH, 2014. Праверана 1 верасня 2014.

   <a href='https://wikidata.org/wiki/Track:Q1125966'></a>
5. Magyarország közigazgatási helynévkönyve, 2015. január 1., Gazetteer of Hungary, 1st January 2015 — KSH, 2015. Праверана 4 верасня 2015.

   <a href='https://wikidata.org/wiki/Track:Q1125966'></a>
6. Magyarország közigazgatási helynévkönyve, 2021. január 1., Gazetteer of Hungary, 1st January 2021 — KSH, 2021. Праверана 14 жніўня 2021.

   <a href='https://wikidata.org/wiki/Track:Q1125966'></a>
7. A népesség adatai településenként, Population data by settlement — KSH, 2023. Праверана 7 кастрычніка 2023.

   <a href='https://wikidata.org/wiki/Track:Q1125966'></a><a href='https://wikidata.org/wiki/Track:Q123344780'></a>
8. Magyarország helységnévtára, Detailed Gazetteer of Hungary — KSH, 2023. Праверана 5 лістапада 2023.

   <a href='https://wikidata.org/wiki/Track:Q1125966'></a><a href='https://wikidata.org/wiki/Track:Q88686710'></a>
9. Magyarország helységnévtára, Detailed Gazetteer of Hungary — KSH, 2024. Праверана 23 верасня 2024.

   <a href='https://wikidata.org/wiki/Track:Q1125966'></a><a href='https://wikidata.org/wiki/Track:Q88686710'></a>
10. Пра кечкемецкую палінку на сайце(недаступная спасылка)