Краснаакцябрскі сельсавет

Краснаакця́брскі сельсавет (таксама — Чырво́накастры́чніцкі сельсавет^[1]) — былая адміністрацыйна-тэрытарыяльная адзінка ў складзе Пухавіцкага раёна Мінскай вобласці. Адміністрацыйны цэнтр — вёска Красны Акцябр.

Краснаакцябрскі сельсавет
Краіна	Беларусь
Статус	сельсавет
Уваходзіць у	Пухавіцкі раён
Уключае	14 населеных пунктаў
Адміністрацыйны цэнтр	красны Акцябр
Дата ўтварэння	20 жніўня 1924
Дата скасавання	29 чэрвеня 2006
Насельніцтва	828 чал. (1999)
Часавы пояс	UTC+03:00
Код аўтам. нумароў	5

Гісторыя

Утвораны 20 жніўня 1924 года як Балоцкі (Балачанскі, Балачоўскі) сельсавет у складзе Пухавіцкага раёна Мінскай акругі БССР. Цэнтр — вёска Балоча. Пасля скасавання акруговай сістэмы 26 ліпеня 1930 года ў Пухавіцкім раёне БССР, з 20 лютага 1938 года — Мінскай вобласці. Падчас Другой сусветнай вайны з чэрвеня 1941 года да ліпеня 1944 года тэрыторыя сельсавета была акупіравана нямецкімі войскамі. 16 жніўня 1973 года цэнтр сельсавета перанесены ў вёску Красны Акцябр, сельсавет перайменаваны ў Краснаакцябрскі^[2]. У 1976 годзе скасавана вёска Ізабалёва (злілася з вёскай Красны Акцябр)^[3]. 29 чэрвеня 2006 года скасаваны, тэрыторыя далучана да Пухавіцкага сельсавета^[4].

Населеныя пункты

1 студзеня 1947 года — 22 населеныя пункты.

На момант скасавання (2006 год) у склад сельсавета ўваходзілі 14 населеных пунктаў: Асавок, Балоча, Высокая Старына, Дукаўка, Залессе, Зафранцузская Грэбля, Красны Акцябр, Падкоссе, Растокі, Рэпішча, Снусцік, Французская Грэбля, Хідра, Ясная Паляна.

Зноскі

1. Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — 591 с. — 10 000 экз. — ISBN 985-11-0214-8. С. 9
2. Рашэнне выканаўчага камітэта Мінскага абласнога Савета дэпутатаў працоўных ад 16 жніўня 1973 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1973, № 27 (1401).
3. Рашэнні выканкома Мінскага абласнога Савета дэпутатаў працоўных ад 27 мая, 10 і 25 чэрвеня, 15 і 29 ліпеня 1976 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1976, № 23 (1505).
4. Решение Минского областного Совета депутатов от 29 июня 2006 г. № 222 Об упразднении Горелецкого, Краснооктябрьского, Селецкого, Сергеевичского сельсоветов и изменении границ Новоселковского, Пуховичского, Ветеревичского сельсоветов и Правдинского поссовета Пуховичского района Архівавана 21 кастрычніка 2020.