Мікалай Мікалаевіч Бранфілаў

Мікалай Бранфілаў (нар. 16 снежня 1977, Мінск) — беларускі футбаліст (абаронца) і трэнер. У цяперашні час працуе трэнерам у штабе клуба «Энергетык-БДУ».

Мікалай Бранфілаў
Поўнае імя	Мікалай Мікалаевіч Бранфілаў
Нарадзіўся	16 снежня 1977(1977-12-16)[1] (47 гадоў) Мінск, Беларуская ССР, СССР[2]
Грамадзянства	Беларусь
Рост	190 см
Вага	86 кг
Пазіцыя	абаронца
Інфармацыя пра клуб
Клуб	Энергетык-БДУ
Пасада	трэнер
Клубная кар’ера[* 1]
1994—1995 Змена (Мінск) 20 (0) 1996—1997 БАТЭ (Барысаў) 34 (2) 1998—1999 Змена-БАТЭ (Мінск) 39 (8) 2000—2002 Тарпеда-МАЗ (Мінск) 37 (0) 2003—2004 Вісла (Плоцк) 27 (1) 2005 Радамяк (Радам) 32 (3) 2006 Падбяскідзе (Бельска-Бяла) 15 (2) 2006 Тарпеда (Жодзіна) 10 (0) 2007 Гомель 12 (0) 2007—2008 Шахцёр (Салігорск) 37 (4) 2009 Тарпеда (Жодзіна) 11 (0) 2010—2012 Белшына (Бабруйск) 77 (7) 2013 Нафтан (Наваполацк) 11 (0)
Нацыянальная зборная[* 2]
2004 Беларусь 2 (0)
Трэнерская кар’ера
2014—2015 Тарпеда (Мінск) 2016 Клецк 2017 Асіповічы 2017—2018 Энергетык-БДУ (Мінск) трэнер 2019 Граніт (Мікашэвічы) 2020—2021 Орша 2022— Энергетык-БДУ (Мінск) трэнер
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 14 лютага 2022. Колькасць гульняў і галоў за нацыянальную зборную ў афіцыйных матчах, адкарэктавана станам на канец 2012

Клубная кар’ера

Пачаў кар’еру ў мінскай школе «Змена», пасля гуляў у розных клубах, у тым ліку ў Польшчы на працягу 2003—2006 гадоў. У снежні 2009 года падпісаў кантракт з бабруйскай «Белшынай», якая вярнулася ў Вышэйшую лігу. У студзені 2013 года перайшоў у «Нафтан»^[3], аднак у верасні разарваў кантракт з «Нафтанам» і завяршыў кар’еру іграка^[4].

Міжнародная кар’ера

Згуляў два матчы за нацыянальную зборную.

Трэнерская кар’ера

Пасля заканчэння прафесійнай кар’еры некаторы час выступаў на аматарскім узроўні, а ў пачатку 2014 года прыняў прапанову ўзначаліць мінскае «Тарпеда»^[5]. Вывеў сталічны клуб у Першую лігу па выніках сезона 2015. У пачатку 2016 года стала вядома, што Бранфілаў пакінуў пасаду галоўнага трэнера аўтазаводцаў^[6]. У красавіку 2016 года ўзначаліў «Клецк», які прывёў да трэцяга месца ў Другой лізе 2016, аднак каманда адмовілася пераходзіць у Першую лігу.

У сакавіку 2017 года стаў галоўным трэнерам «Асіповічаў»^[7], але меней чым праз месяц пакінуў пасаду і далучыўся да трэнерскага штаба мінскага «Энергетыка-БДУ»^[8].

У студзені 2019 года быў прызначаны галоўным трэнерам мікашэвіцкага «Граніта»^[9]. У чэрвені таго ж года быў адпраўлены ў адстаўку^[10].

У кастрычніку 2020 года ўзначаліў «Оршу»^[11]. Пакінуў пасаду галоўнага трэнера ў верасні 2021 года^[12].

У лютым 2022 года зноў стаў трэнерам у «Энергетыку-БДУ»^[13].

Дасягненні

• 03 Бронзавы прызёр чэмпіянату Беларусі: 2007
• Пераможца Другой лігі чэмпіянату Беларусі: 1996